Pusaka Kyai Singkir Warih

 Pusaka Kyai Singkir Warih

1.

Sinom

Nalika Hadeging Pajang, 

Mas Karebet Jaka Tingkir, 

Sipat kandel pinaringan, 

Pusaka ampuh pinilih, 

Namane Kyai Singkir, 

Peparing Ki Banyubiru, 

Ngeli ing Kali Serang,

Ngerih warih Rawapening, 

Salatiga Purwodadi Kudus Demak. 

2.

Kinanthi

Sumimpen ing tlatah Kudus, 

Rantas kewuh Kyai Singkir, 

Nrajang kehing toya bandhang,

Sumingkir ambendung banjir,

Tahan udan cegah jawah,

Banyu bening nganan ngering. 

3.

Gambuh

Dhawuh Ki Ageng Butuh, 

Tanggap tangguh ing baya pakewuh, 

Manah pikir rumeksa pusaka Singkir, 

Dhateng Adipati Kudus, 

Ngesthi margi karahayon. 

4.

ili banyu lir pendah wadhaging penyu, 

Pusaka Negara, 

Wis kawentar Singkir warih, 

Kanjeng Sultan Hadiwijaya kepranan. 

5.

Banyubiru tapa brata, 

Mesu budi aneng puncaking ardi,

Ereng erenging Merbabu, 

Lenggah saluku juga, 

Mandeng gunung ngendanu kang mega mendhung,

Dutane Karaton Pajang, 

Sesuci ing umbul Pengging. 

6.

Dhandhanggula

Ngeksiganda karaton Mentawis, 

Amarisi dhatulaya Pajang, 

Praja punjer Kuthagedhe, 

Kerta Plered sumusul, 

Kartasura Mangkurat Jawi,

Garwa Ratu Kencana, 

Prameswari Kudus, 

Saraya nganthi pusaka, 

Kyai Singkir kehing balak trus sumingkir, 

Lestari Surakarta. 

7.

Mijil

Sagung para nata tanah Jawi, 

Sakwusnya kewahyon, 

Ndaru keprabon binarung tambur bendhe, 

Ngiringi kirab pusaka Singkir, 

Robing jalanidhi, 

Margane rahayu. 

8.

Maskumambang

Siram jamas pusaka Jeng Kyai Singkir, 

Jaman Kraton Kartasura, 

Saking Kudus Umbul Pengging, 

Saben warsa lumaksana.

9.

Asmarandana

Abdi Purwa Kinanthi, 

Kyai Singkir jinamasan, 

Jangkep genep uba rampe, 

Umbul Pengging ing Ngabeyan,

Pinandhegan Ratu Kencana, 

Kanjeng Adipati Kudus, 

Ndherek sentana Mataram. 

Purwadi, 

Universitas Negeri Yogyakarta