Babad Wiendu Nuryanti

 Babad Wiendu Nuryanti



Macapat

Prof Dr Ir Wiendu Nuryanti 


1.Dhandhanggula


Bener bleger Prof Wiendu Nuryanti, 

Pinter seger kober banter nyata, 

Bener sakeh gawa gawe, 

Bleger ayu rahayu, 

Pinter wasis tur tatas titis, 

Seger ing jiwa raga,

Kober garapipun, 

Banter terampil trengginas, 

Darma bakti paripurna mring negari, 

Manggih tata raharja. 


2. Mijil


Tanggal siji lima wulan Mei, 

Seket sanga miyos, 

Prof Wiendu Nuryanti putri gati, 

Cahya anelahi, 

Gya kuncara arum.


3. Pangkur


Mahaguru Gadjah Mada, 

Amakarti Prof Wiendu Nuryanti, 

Pakaryan unggul pinunjul, 

Micara tur miraga, 

Barang kawruh eguh kinarya pituduh, 

Ngupakara mahasiswa, 

Pawiyatan muda mudi.


4. Kinanthi


Perguruan Bulaksumur, 

Ndherek Prof Wiendu Nuryanti, 

Babagan pariwisata, 

Katitik katata becik, 

Nusantara trus ngrembaka, 

Minangka tepa palupi.


5. Asmarandana


Grapyak sigrak manis aris, 

Wusnya mangun bale wisma, 

Jodho Mister David Sanders, 

Kawibawan kawidadan, 

Karaharjan kanugrahan, 

Lahir tatag batin tutug, 

Dados sangu pasuwitan.


6. Megatruh


Muhung suwung tinilar garwa linangkung, 

Mister David Sanders yekti, 

Priyayi luhur misuwur, 

Surut ing kasedan jati, 

Amarisi bebet bobot.


7. Durma


Mandhegani Kementrian Pendidikan, 

Jejer Wakil Menteri, 

Lila lan legawa, 

Labuh labet negara, 

Pakarti pakerti pekerti, 

Budi manunggal, 

Bu Prof Wiendu Nuryanti.


8. Sinom


Presiden SBY kersa, 

Misuda Wakil Menteri, 

Dosen mumpuni kawignyan, 

Sangkan paraning dumadi, 

Bu Prof Wiendu Nuryanti, 

Jurusan ing Arsitektur, 

Fak Teknik Gadjah Mada,  

Pinilih wening penggalih, 

Sanak kadang ngumandhang kondhang kaonang.


9. Pucung


Mawi tutur jangka jangkah trus sempulur, 

Kagem pengabdian, 

Profesor Wiendu Nuryanti, 

Gegayuhan kaleksanan kasembadan.


10. Gambuh


Kayat kayun kayungyun, 

Prof Wiendu Nuryanti meh pensiun, 

Laras laris lurus leres samukawis, 

Tanggap tangguh wutuh ampuh, 

Muncar sumirat sumorot.


11. Mas Kumambang


Gemi titi premana sarta permati, 

Prof Wiendu Nuryanti nulad, 

Bapak Ibu duking nguni, 

Ngelmu laku kalampahan. 



Lancaran Wiendu Nuryanti


1.

Lagu Wiendu Nuryanti Pinilih


Merah putih Prof Wiendu Nuryanti pinilih,

Merah putih Prof Wiendu Nuryanti manggalih, 

Sagung warga nusantara, 

Tunggal cipta rasa karsa, 

Budi luhur kulinakna, 

Watak asor singkirana.


2.

Lagu Wiendu Nuryanti Ambangun


Wiendu Nuryanti mbangun negari, 

Unggul kabul pinunjul kang kasangkul, 

Sehat raga kalawan rasane, 

Tertib sarwa tumata tuwin titi permati, 

Endah agawe senenge ati, 

Gumregah tan kendhat kang binudi, 

Ayem tentrem tata  karta raharja, 

Sabang nganti Merauke.


3.

Lagu Wiendu Nuryanti Mengabdi


Prof Wiendu Nuryanti siap siaga berbakti, 

Siang ratri berjuang kanggo negeri, 

Prof Wiendu ngajak ajak trus bersatu, 

Pancen bersemangat tekad kuat masyarakat. 


Generasi muda pelajar lan mahasiswa, 

Jembar wawasane Pancasila landhesane, 

Monggo Mas dha niteni sareng Prof Wiendu Nuryanti, 

Gagasan kang mandiri mengabdi ibu pertiwi.



28 Juli 2026.

Purwadi

Komentar

Posting Komentar

Postingan populer dari blog ini

Hari Raya Idul Fitri

Gambar
 Hari Raya Idul Fitri 1. Dhandhanggula Idul Fitri.  Wus ngumandhang tahmid dikir takbir,  Tandha pamungkase sasi Pasa,  Sigrak gumyak katon rame,  Papan sajuru juru,  Idul Fitri wanci wigati,  Siyam wulan Ramadhan,  Purna tatag tutug,  Suka mahargya lebaran,  Amastuti marang piwulang agami,  Lumampah saben warsa.  Sugeng hari raya Idul Fitri,  Wonten ngarsanipun Panjenengan,  Konjuk sesepuh pepundhen,  Kangmas adhik lan mbakyu,  Nyuwun idi Purwadi Sari,  Adityo Bimo pasrah,  Anindito matur,  Yen ulat patrap  pangucap,  Sasap sisip linuberna welas asih,  Dhateng kula sakbrayat.  Pareng nyuwun gunging pangaksami,  Awit saking kehing kalepatan,  Ingkang alit saha gedhe,  Jroning sambung lan srawung,  Muna muni kirang prayogi,  Anungkak tata krama,  Tilar unggah ungguh,  Sopan santun suba sita,  Pasrah dhiri mumpung hari Idul Fitri, ...
Baca selengkapnya

Dr Nugroho Puji Santoso S.Pd M.Pd

Gambar
 Dr Nugroho Puji Santoso S.Pd M.Pd A.  Akademik Tertinggi Lulus Program Doktor dengan predikat summa cumlaude. Pujian tingkat tertinggi. Itulah Dr Nugroho Puji Santoso M.Pd. Sesanti ayu hayu rahayu.  Hari bersejarah yang istimewa bagi Mas Nugroho  Puji Santoso. Kamis, 5 Maret 2026 jam 10 diadakan ujian promosi doktor. Bertempat di ruang sidang utama GPLA FIKK UNY.  Pak Rektor Prof Dr Sumaryanto M.Kes AIPO memimpin jalannya sidang. Prof Dr Drs Subagyo M.Pd dan Prof Dr Nurhadi Santoso S. Pd M.Pd bertindak selaku promotor dan ko promotor. Keutuhan nilai disertasi atas saran Dr Drs Muarif M.Pd dan Dr Purwadi SS M.Hum yang menjadi anggota penguji.  Paparan promovendus menarik dan memikat. Gamblang terang wijang. 10 menit berhasil memberi penjelasan isi disertasi.  B.  Amanat Pak Rektor Tutur uwur lan sembur dari Pak Rektor UNY untuk mengantar pribadi luhur. Wejangan Promosi Pak Rektor perlu diperhatikan. Pada saat maringi pengantar berguna untuk menamb...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya