Babad Doni Komang

Babad Doni Komang

1.

Maskumambang

Doni Dwi Haryanto Komang Sutiani, 

Nambut silaning akrama, 

Linambaran pangastuti, 

Kanugrahan karaharjan. 

2.

Mijil

Jaka Hariyanta Sri Mulatmi, 

Sampun kersa momong, 

Ing Banyumas tlatah Somagedhe, 

Doni Dwi Hartanto amarsudi, 

Kalibima nenggih, 

Kayat kayun dhusun.

3.

Asmarandana

Bu Ni Made Sukarini,

Pak I Nyoman Sarka nyata, 

Kubutambahan Buleleng, 

Desa Bontihing Kanginan, 

Komang Sutiani setya, 

Darma bakti budi luhur,

Paripurna kawanitan.

4.

Kinanthi

Lumampah kanthi rahayu, 

Doni Komang wus nyawiji, 

Tunggal cipta rasa karsa, 

Pakarti bereng pekerti, 

Angayahi kewajiban, 

Ngudi urup ngesti urip.

5.

Dhandhanggula

Ayu ayom Komang Sutiani, 

Doni Dwi Hartanto anjenthara, 

Tekad gedhe wus sineksen, 

Slawe Juli nemlikur, 

Gya manunggil kapti kang inggil, 

Sanak kadang sodhara, 

Kumpul donga kabul, 

Sembada ingkang sinedya, 

Palakrama bagya mulya trus lestari, 

Gancar lancar tur kawentar. 

Setu, 25 Juli 2026.

Purwadi