Nganjuk Milang Kori

 Nganjuk Milang Kori







Dhandhanggula


1.

Nganjuk 


Katon manis bawah gunung Wilis,

Kutha Nganjuk kumencar gumebyar, 

Sigrak gumyak regeng rame, 

Lenggah ing alun alun, 

Marhaen Djumadi ngesuhi, 

Lampahe pembangunan, 

Laras  laris lurus, 

Olah seni olah raga, 

Saben hari pasar Wage amakarti, 

Pakaryan gancar lancar.


2.

Rejoso


Tata titi taberi nastiti, 

Suka rena Rejoso makarya, 

Ing kudule gunung Renteng, 

Brambang sengkut tinandur, 

Kadang tani tansah netepi, 

Garapan tegal sawah, 

Teken tekan tekun, 

Marhaen Djumadi ngarah,  

Ing pangudi mundhak makmur ekonomi, 

Gembira pra kawula.


3.

Bogor


Wus kesohor tlatah Bagor nguni, 

Wiris waras kidul kali Widas, 

Tumuju ing dina Wage, 

Kedondong pasar lembu,

Kadang blantik nganyang katitik, 

Gumyak dagangan ternak, 

Kebo kuda wedhus,

Marhaen Djumadi ngoyak, 

Rakyat bathi bisa seneng jroning ati, 

Kecukupan sandhang pangan.


4.

Wilangan


Trus pinesthi wilayah prayogi,

Wilangan kidule gunung Pandhan, 

Toya mili mancur moncer, 

Dam glathik papan wadhuk,

Padha mancing ing Kali Bening, 

Budidaya wisata, 

Muter numpak prahu, 

Dhahar enak lawuh iwak, 

Kang den udi Marhaen Djumadi yekti, 

Tulusing pengabdian.


5.

Gondang


Gondang kondhang kinarya palupi, 

Jajan dumbleg sedhiyan panganan, 

Bungkus mligi plepah jambe, 

Oleh oleh tinuku, 

Memetri Marhaen Djumadi, 

Blusukan turut pasar, 

Rembug kadang bakul, 

Jenak semarak semanak, 

Tharik tharik tinata kareben becik, 

Benjang padhang gemilang.


6.

Ngluyu


Sampun dugi tlatah pinggir redi, 

Jajar jajar alas kang  kawentar, 

Tlatah Nganjuk ing lor dhewe, 

Soto kedhondhong unggul, 

Marhaen Djumadi ngincipi, 

Cedhak adoh ngrasakna, 

Sate daging duduh,

Bablas lewat tengah alas, 

Kayu jati pating trucuk ngrengga siti, 

Asrining sesawangan.


7.

Jatikalen


Tapel wates Jombang Nganjuk nenggih, 

Dugi papan wilayah lor wetan, 

Jatikalen datan leren, 

Lumampah budhal mantuk, 

Dalan apik sarana katitik, 

Adoh karasa cerak, 

Bareng guyub rukun, 

Marhaen Djumadi kersa, 

Adipati tansah gemolong gemati, 

Kumraket seduluran.


8.

Kertosono


Arah kidul tumuju Kediri, 

Kertosono pinggir kali Brantas, 

Comondhok stasiun gedhe, 

Surabaya Madiun, 

Karta karti karya pakarti, 

Makuwon ndoro wedana, 

Bengkok patuh lungguh, 

Marhaen Djumadi manah, 

Abdi nagri pensiun antuk pangaji, 

Sakwusnya puripurna.


9.

Sukomoro


Sukomoro rumiyin kasusra, 

Dagang brambang lumaris kaonang, 

Saudagar gangsar rame, 

Juragan sugih mbrewu, 

Laris manis laras cecawis, 

Gelar pasar kababar, 

Awan bengi esuk, 

Marhaen Djumadi nggagas, 

Wira wiri warga ngupaya rejeki, 

Sengkut greget gumregah.


10.

Loceret


Upacara adat mapan aneng candi, 

Lumaksana ing kuna makuna, 

Candirejo ing Loceret,

Jamane Budha Hindu, 

Kapitayan dasar agami, 

Sanggar ing pamelengan, 

Tata cara sujud, 

Marhaen Djumadi nyipta,

Jroning kapti manekung mangsah semedi, 

Pasrah eling waspada.


11.

Pace


Tiga rendheng mareng labuh yekti, 

Lumrah sinebut pranata mangsa, 

Tengeran sedulur Pace, 

Gunung Wilis ngrembuyung, 

Katon asri anglam ngalami, 

Siliring samirana, 

Nganjuk sisih kidul, 

Wawasan ngumbar gagasan, 

Analiti Marhaen Djumadi nguni, 

Sinartan masyarakat.


12.

Ngetos


Lahir batos bumi Ngetos becik, 

Pra pujangga ngripta kasusastran, 

Candi winangun mentereng, 

Jaman Daha Panjalu, 

Singasari lan Majapahit, 

Daha Medang Koripan, 

Tlatah Jawa Timur, 

Nganjuk sanyata kuncara, 

Adipati Marhaen Djumadi ngudi, 

Sejarah jaman kuna.


13.

Patianrowo


Pabrik gula winastan lestari, 

Patianrowo papan rinengga, 

Jembar omber jajar jejer, 

Katone kebun tebu, 

Kadang tani Nganjuk mangerti, 

Ngubetna daya arta, 

Udhu bahu suku, 

Marhaen Djumadi yogya, 

Sung palupi olah puter ekonomi, 

Lumantar pawiyatan.


14.

Prambon


Prabu Kameswara duking nguni, 

Tedhak tlatah Prambon njajah desa, 

Milang kori kawulane, 

Kayungyun dhahar minum, 

Nara praja kraton Kediri, 

Nganthi para pujangga, 

Sang Sedah Panuluh, 

Katerusna Wali Sanga, 

Kyai santri sareng Marhaen Djumadi,

Wejangan kasampurnan.


15.

Baron


Dulur sopir mesthi kersa mampir, 

Dhahar eca ing Baron mirasa, 

Sega rawon sate gule, 

Ngunjuk kopi teh mathuk, 

Nyengkuyung Marhaen Djumadi, 

Kuliner enak penak, 

Ing Wilayah Nganjuk, 

Marga arah Surabaya, 

Surakarta Bandung Semarang Betawi, 

Baron papan jujugan.


16.

Tanjunganom


Nguri uri para kadang seni, 

Tanjunganom semangat sumrengah, 

Mligi waranggana kledhek, 

Kagunan langen tayub, 

Wiyaga siyaga angiring, 

Pranata adicara, 

Saguh gupuh aruh, 

Marhaen Djumadi wignya, 

Angurmati kesuburan Bathari Sri, 

Turun saking Kahyangan.


17.

Ngronggot


Gugur gunung sami kerja bakti, 

Abot repot tiyang Ngronggot gampang, 

Sepi pamrih rame gawe, 

Srawung tulung tinulung, 

Marhaen Djumadi nulati, 

Kagem bangsa negara, 

Gumolong gumulung, 

Tunggal cipta rasa karsa, 

Ageng inggil kawula samya manunggil, 

Tuladha kebangsaan.


18.

Lengkong


Sawah tegal kebun gunung kali, 

Tlatah Lengkong mencorong kawentar,

Kakung putri cilik gedhe,

Sendhen kawruh pituduh, 

Bupati Marhaen Djumadi, 

Kersa kempal manunggal, 

Kayun sayuk rukun, 

Peraturan paugeran, 

Mangastuti murih basuki lestari,

Laladan bagya mulya.


19.

Sawahan


Saben saben gumantosing warsi, 

Siram jamas grojogan Sedhudha, 

Ing pangangkah kajen kopen, 

Sawahan pereng gunung, 

Marhaen Djumadi marsudi, 

Lelaku tapa brata, 

Pangrungu pandulu, 

Reresik kungkum ing patirtan, 

Mesu budi anelasak ing wanadri, 

Rumeksa drajat pangkat.


20.

Berbek


Pasuwitan para adipati, 

Tlatah Berbek asung kautaman, 

Lerem sumeleh pikoleh,

Wedharan wulang wuruk, 

Bupati Marhaen Djumadi,

Andhap asor nuladha,

Pangarsa ing Nganjuk, 

Berbek kebak patuladhan, 

Amakarti manunggal  kawula gusti,

Suwita marang praja.



Yogyakarta, Jumat Pon, 5 Juni 2026.

Purwadi







Komentar

Posting Komentar

Postingan populer dari blog ini

Hari Raya Idul Fitri

Gambar
 Hari Raya Idul Fitri 1. Dhandhanggula Idul Fitri.  Wus ngumandhang tahmid dikir takbir,  Tandha pamungkase sasi Pasa,  Sigrak gumyak katon rame,  Papan sajuru juru,  Idul Fitri wanci wigati,  Siyam wulan Ramadhan,  Purna tatag tutug,  Suka mahargya lebaran,  Amastuti marang piwulang agami,  Lumampah saben warsa.  Sugeng hari raya Idul Fitri,  Wonten ngarsanipun Panjenengan,  Konjuk sesepuh pepundhen,  Kangmas adhik lan mbakyu,  Nyuwun idi Purwadi Sari,  Adityo Bimo pasrah,  Anindito matur,  Yen ulat patrap  pangucap,  Sasap sisip linuberna welas asih,  Dhateng kula sakbrayat.  Pareng nyuwun gunging pangaksami,  Awit saking kehing kalepatan,  Ingkang alit saha gedhe,  Jroning sambung lan srawung,  Muna muni kirang prayogi,  Anungkak tata krama,  Tilar unggah ungguh,  Sopan santun suba sita,  Pasrah dhiri mumpung hari Idul Fitri, ...
Baca selengkapnya

Dr Nugroho Puji Santoso S.Pd M.Pd

Gambar
 Dr Nugroho Puji Santoso S.Pd M.Pd A.  Akademik Tertinggi Lulus Program Doktor dengan predikat summa cumlaude. Pujian tingkat tertinggi. Itulah Dr Nugroho Puji Santoso M.Pd. Sesanti ayu hayu rahayu.  Hari bersejarah yang istimewa bagi Mas Nugroho  Puji Santoso. Kamis, 5 Maret 2026 jam 10 diadakan ujian promosi doktor. Bertempat di ruang sidang utama GPLA FIKK UNY.  Pak Rektor Prof Dr Sumaryanto M.Kes AIPO memimpin jalannya sidang. Prof Dr Drs Subagyo M.Pd dan Prof Dr Nurhadi Santoso S. Pd M.Pd bertindak selaku promotor dan ko promotor. Keutuhan nilai disertasi atas saran Dr Drs Muarif M.Pd dan Dr Purwadi SS M.Hum yang menjadi anggota penguji.  Paparan promovendus menarik dan memikat. Gamblang terang wijang. 10 menit berhasil memberi penjelasan isi disertasi.  B.  Amanat Pak Rektor Tutur uwur lan sembur dari Pak Rektor UNY untuk mengantar pribadi luhur. Wejangan Promosi Pak Rektor perlu diperhatikan. Pada saat maringi pengantar berguna untuk menamb...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya