Kreta Ratu Kalinyamat

 Kreta Ratu Kalinyamat



1.

Mijil


Pamulangan Jeng Wahyono ISI, 

Tekad lahir batos, 

Kereta kencana riptan gedhe, 

Ratu Kalinyamat adipati, 

Jepara pesisir, 

Nyata karya agung. 


Kereta kencana edi peni, 

Srana gelar doktor, 

Wahyono yasa reriptan gedhe, 

Anut piweling para pembimbing, 

Penguji ing ISI, 

UNY jumurung. 


Kraton Demak Bintara winarni, 

Wahyono wus maos, 

Sekar kedhaton putri kinacek, 

Kanjeng Sultan Trenggana narpati, 

Garwa prameswari,

Mas Maloka Ratu. 


2.

Pangkur


Wahyono sampun wisuda, 

Pendadaran pawiyatan kaping tri,

Kereta kencana arum, 

Kalinyamat kayasa, 

Doktor bagus FBSB tamat lulus, 

UNY makar kuncara, 

Kadang mitra angestreni.


Garwa Ratu Kalinyamat, 

Priyayi Aceh Pangeran Hadirin, 

Sugih ber bandha ber bandhu, 

Saudagar Malaka, 

Cekap cukup pinter bener wus kacakup, 

Perwira bagus sembada, 

Wahyono tutug makarti. 


3.

Kinanthi


Kalinyamat amituhu, 

Tepa palupi pra putri, 

Ratu Shima ing Kalingga, 

Ratu Pramodha Wardhani, 

Raja wanita Suhita, 

Wahyono niti permati. 


Reriptane adi luhung, 

Pra priyayi edi peni, 

Rotodipuro makarya, 

Mahasiswa ing ISI, 

Program doktor lumaksana, 

Padha karo disertasi. 


4.

Asmarandana


Wahyono nuli anitik, 

Bupati tlatah Jepara, 

Saurute pesisir ler, 

Kaloka momong kawula, 

Wegig pangembating praja, 

Wiwit kutha desa dhusun,

Ajrih asih rasa tresna. 


Sejarah katitik becik, 

Wahyono ngudi kawignyan, 

Ing Jepara pesisir ler, 

Sasana ukir ukiran, 

Turun Sungging Purbengkara, 

Trampil prigel tukang kayu, 

Kasusra ing Jagad raya. 


5.

Durma


Rikat cukat Wahyono yasa kereta, 

Kalinyamat marsudi, 

Undhaking kaprajan, 

Abdi dalem sentana, 

Golong gilig tumandang kardi,

Pakaryan praja, 

Titihan pra priyayi.  


Nulat patrap yaya kereta kencana, 

Kalinyamat sang putri, 

Bupati Jepara, 

Trahing Demak Bintara, 

Sultan Trenggana sri narpati, 

Wahyono ngripta, 

Sesulih disertasi. 


6.

Gambuh


Kanjeng Pangeran Timur, 

Adipati Madiun misuwur, 

Kalinyamat momong permati gemati, 

Sayekti rembesing madu, 

Wahyono suwita Kraton.  


Prabeya bandha bandhu, 

Sangu metu sembadane laku, 

Arta dhuwit kapirit amlirit ngirit, 

Wahyono antebing kalbu, 

Pasinaon tatas titis. 


7.

Pucung


Unggul kabul Wahyono pancen pinunjul, 

Wacanan sejarah, 

Pangeran Onje bupati,

Purbalingga pinanggih tata raharja. 


Wus nyengkuyung Wahyono caos pisungsung, 

Kereta kencana, 

Wahana sri narapati, 

Gancar lancar asma arum trus kawentar. 


8.

Maskumambang


Kraton Surakarta Hadiningrat ngesti,

Kagunan kondhang kaloka, 

Wahyono sigra angabdi, 

Bebadan mandra budaya. 


Joko Kahiman Banyumas adipati,

Atmaja Sunan Prawata, 

Ratu Emas Jaka Tingkir, 

Wahyono nlesih carita. 


9.

Megatruh


Luru kawruh tan noleh barang pakewuh, 

Wahyono meguru nuli, 

Pawiyatan ISI luhur, 

Purna tanggap tangguh tanggon. 


Greget sengkut anglegena sinjang rambut, 

Kalinyamat nandur becik, 

Pangeran Benawa tuhu,

Kereta mangka piranti, 

Wahyono agelar  doktor. 


10.

Sinom


Kreta Ratu Kalinyamat, 

Wahyono gregah marsudi, 

Pasinaon pembimbingan, 

Maha dwija dosen ISI, 

Promotor sukeng galih,

Pendadaran sayuk rujuk, 

Reriptan kautaman, 

Kinarya tepa palupi, 

Mahasiswa doktor patut ingalembana. 


Sunan Prawata pangarsa, 

Ratu Langgar Sampang kalih, 

Kalinyamat kaping tiga, 

Kapat Inten Hasanuddin, 

Cepaka Jaka Tingkir,

Timur Bupati Madiun, 

Putra Sultan Trenggana, 

Merbawani tanah Jawi, 

Wahyono suwita Kraton Surakarta. 


11.

Dhandhanggula


Pamikir saking tlatah pesisir, 

Rotodipuro abdi Surakarta, 

Wahyono dadi namane, 

Kayungyun jroning kayun, 

Jatidiri sigra kaesthi, 

Benjang suminar terang, 

Mili bandha bandhu, 

Banjir pesenan garapan, 

Tandha yekti wahana kang migunani, 

Bakal ngejayeng jagad. 


Kreta Kalinyamat edi peni, 

Tuladha kabupaten Jepara, 

Wahyono telaten panen, 

Wis antuk pikukuh, 

Doktor pawiyatan ing ISI, 

UNY Karangmalang, 

FBSB mathuk, 

Dosen tendik bagya mulya, 

Siyang ratri asung puji pangastuti, 

Sembada kang sinedya. 



Kemis Wage, 

11 Juni 2026

Purwadi, 

FBSB UNY

Komentar

Posting Komentar

Postingan populer dari blog ini

Hari Raya Idul Fitri

Gambar
 Hari Raya Idul Fitri 1. Dhandhanggula Idul Fitri.  Wus ngumandhang tahmid dikir takbir,  Tandha pamungkase sasi Pasa,  Sigrak gumyak katon rame,  Papan sajuru juru,  Idul Fitri wanci wigati,  Siyam wulan Ramadhan,  Purna tatag tutug,  Suka mahargya lebaran,  Amastuti marang piwulang agami,  Lumampah saben warsa.  Sugeng hari raya Idul Fitri,  Wonten ngarsanipun Panjenengan,  Konjuk sesepuh pepundhen,  Kangmas adhik lan mbakyu,  Nyuwun idi Purwadi Sari,  Adityo Bimo pasrah,  Anindito matur,  Yen ulat patrap  pangucap,  Sasap sisip linuberna welas asih,  Dhateng kula sakbrayat.  Pareng nyuwun gunging pangaksami,  Awit saking kehing kalepatan,  Ingkang alit saha gedhe,  Jroning sambung lan srawung,  Muna muni kirang prayogi,  Anungkak tata krama,  Tilar unggah ungguh,  Sopan santun suba sita,  Pasrah dhiri mumpung hari Idul Fitri, ...
Baca selengkapnya

Dr Nugroho Puji Santoso S.Pd M.Pd

Gambar
 Dr Nugroho Puji Santoso S.Pd M.Pd A.  Akademik Tertinggi Lulus Program Doktor dengan predikat summa cumlaude. Pujian tingkat tertinggi. Itulah Dr Nugroho Puji Santoso M.Pd. Sesanti ayu hayu rahayu.  Hari bersejarah yang istimewa bagi Mas Nugroho  Puji Santoso. Kamis, 5 Maret 2026 jam 10 diadakan ujian promosi doktor. Bertempat di ruang sidang utama GPLA FIKK UNY.  Pak Rektor Prof Dr Sumaryanto M.Kes AIPO memimpin jalannya sidang. Prof Dr Drs Subagyo M.Pd dan Prof Dr Nurhadi Santoso S. Pd M.Pd bertindak selaku promotor dan ko promotor. Keutuhan nilai disertasi atas saran Dr Drs Muarif M.Pd dan Dr Purwadi SS M.Hum yang menjadi anggota penguji.  Paparan promovendus menarik dan memikat. Gamblang terang wijang. 10 menit berhasil memberi penjelasan isi disertasi.  B.  Amanat Pak Rektor Tutur uwur lan sembur dari Pak Rektor UNY untuk mengantar pribadi luhur. Wejangan Promosi Pak Rektor perlu diperhatikan. Pada saat maringi pengantar berguna untuk menamb...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya