Kraton Majapahit Jakarta

 Kraton Majapahit Jakarta



BAB V

KEJAYAAN MAJAPAHIT


1.

Asmarandana 


Kejayaan Majapahit, 

Pak Hendro Bu Tatty pirsa, 

Tlatah Jawi ing sisih ler, 

Minyak bumi mubal lenga, 

Kayu jati rega larang, 

Dayane dahana murub, 

Kutut gamping pari gaga.


Dhuwit lenga Majapahit, 

Karya lampahing wahana, 

Manjer dimar wiwit sore, 

Wanci malam lumaksana, 

Cahya kencar tinon mubyar,

Murup netra sumurup,

Anelahi kutha praja. 


Mancur sumber Majapahit, 

Tumraping laladan negara, 

Pereng gunung siti ngare, 

Anut ilining bengawan, 

Padangan Tuban Babat, 

Lisah jro sumur sumembur, 

Kanugrahan alam tenan. 



Tuking lenga terus mili, 


Mrembes ing perenging arga,


Gunung Kendheng kulon wetan, 


Sumber suku gunung renteng, 


Padhangan Ngepeh Temayang, 


Montong Jenu Bancar Widang, 


Jepon Bradag Randublatung,


Wewengkoning Gajah Mada.




2


Mijil




Gajah Mada lumaksita dugi, 


Singapura kantor, 


Punjer dagang Malaka Temasek, 


Sade lenga ing manca negari, 


Wanci nemu bathi, 


Dhuwit tumpa tumpuk. 




3.


Pucung




Kehing petung rega lenga dadi kedhung,


Kandel arta praja, 


ingaranan minyak bumi, 


Sung sesumbang Majapahit padhang jingglang. 




4.


Gambuh




Pakaryan lembar lembur, 


Muncar mancur saking bawah dhuwur, 


Jroning siti tuking lisah minyak bumi, 


Swara saur ndhudhuk sumur, 


Bojonegoro pangebor. 




5.


Kinanthi




Dhuwit minyak gya lumebu, 


Marang Kraton Majapahit, 


Minangka dana nagara,


Kanggo upah saben sasi, 


Prabeya pra abdi garap, 


Sentana mantri pangarsi. 




6.


Megatruh




Tutur jantur Majapahit saya makmur,


Lisah lenga pereng giri, 


Langgeng sumirat sumembur, 


Kanan kering kayu jati, 


Sumbering bandha kedhaton. 




7.


Sinom




Urute kali bengawan, 


Kinapit perenging hardi,


Dhudhuk dhudhah tuking lenga, 


Pari gaga angrenggani, 


Rasane enak gurih, 


Mangungkung peksi perkutut, 


Artane lisah turah,


Gajah Mada nguningani, 


Bojonegoro kinen ambangun praja. 




8.


Dhandhanggula




Bojonegoro wis tambah manis, 


Nggulawenthah minyak bumi lisah, 


Cerak bengawan sisih ler, 


Tuking lenga kadulu,


Mbrebes mili sumurat keli, 


Lampah sakmarga marga, 


Anyumber sumur bur, 


Daya kuwat pasar jagat,


Wus lumaris among dagang laris gelis, 


Gedhong bandha lumaksa. 




9.


Maskumambang




Manah pikir Bojonegoro sakalir,


Sumimpen emas batangan, 


Gemi nastiti ing dhuwit, 


Dagang lancar pasar gangsar.




Trus lumaris sasana hartaka picis,


Wilayah Bojonegara. 


Gajah Mada amurwani, 


Kaloka bandha lumaksa. 




10.


Gambuh




Majapahit binangun, 


Kebak purun narendra Sinuwun, 


Kanjeng Ratu Tri Bhuwana Tungga Dewi, 


Jayanegara Sang Prabu, 


Hayamwuruk trus kesohor. 




Panjang punjung ngrembuyung, 


Pasir wukir Majapahit agung, 


Tata titi gemah ripah loh jinawi, 


Cekap cukup subur makmur, 


Amiwiti papan gedhong.




11.


Kinanthi




Pirantine dol tinuku, 


Liru pernah emas picis,


Kapyarsa pasar ngumandhang, 


Swaraning dhuwit kumrincing, 


Sigrak gumyak candhak kulak, 


Upakarti saknegari. 




Bandha lumaksa binangun, 


Tri Bhuwana Tungga Dewi, 


Piranti wadhah hartaka, 


Raja brana emas picis, 


Gagasan Jayanegara, 


Hayamwuruk analiti. 




12.


Pucung




Wus jinurung dol tinuku turut lurung,


Tapak penak jenak,


Gya umili asil bumi, 


Trus warata barang karya pra kawula. 




Dagang laku Majapahit laris payu, 


Among dagang pasar, 


Suku pabrik bahu dhuwik, 


Tambah turah hartaka kasil ingarah. 




13.


Asmarandana




Amarsudi kehing bathi, 


Gemah lampahing bakulan, 


Ripah bangun griya rame, 


Loh subuh kehing tanduran, 


Jinawi murah kang tinumbas, 


Bale bank minangka lumbung, 


Wadhah gedhe papan arta. 




Kutha desa wana ardi,


Mejobo suka lelana, 


Sregep Jati Bae Dawe,


Taberi Kota Undaan, 


Jekulo sigrak kekulak,


Trus lumaku Kaliwungu, 


Pangarsa sana hartaka. 




14.


Megatruh




Agul agul Bojonegoro pinunjul,


Kajen keringan pinilih, 


Katut kerut mas jumerut, 


Memanis ulaping picis, 


Gya tinata bank kedhaton. 




Bandha bandhu winangun gliyak lumaku, 


Nggulung emas nglempit dhuwit, 


Juragan Dhandher ambrewu, 


Pasar lancar bakul laris, 


Bathi tikel nut wewaton. 




15.


Durma




Budi daya wujud tatanan negara, 


Sambang sambunging urip, 


Sarana hartaka, 


Basuki raharja, 


Binangun bank kaprajan, 


Ngati ati dedeleh dhuwit, 


Primpen rumeksa, 


Wasis cathetan tulis. 




Pabrik dhedhaharan maneka warna, 


Busana endah adi, 


Kayu jamu dluwang,


Perunggu wesi waja, 


Sandhal japit terumpah kulit, 


Tangkar warata,


Ing Padhangan nelahi.




16.


Pangkur




Wewangunan bank kaprajan, 


Kulak warta adol rungu nagri Swiss, 


Nata Majapahit purun, 


Lelana tanah Eropa, 


Aleliru jangkah manah trus meguru, 


Madeg sasana hartaka, 


Rumeksa para winasis. 




Juru pambelah layaran,


Mandar Banjar Ambon Makassar Bugis, 


Wusnya yasa pabrik prahu, 


Jala mina samudra, 


Kanjeng Ratu Kencana Kudus lelaju,


Tanjung perak Tanjung emas, 


Malaka manca negari. 




17.


Mijil




Majapahit ngudi sumimpening dhuwit, 


Gumelar gumolong,


Jejeg ajeg ngasta gawa gawe, 


Tata titi taliti gemi nastiti, 


Pakarti pakerti,


Pekerti rahayu. 




Jerman Inggris Roma Swiss Perancis, 


Minangka peguron, 


Nata bale arta dhuwit gedhe, irlandia Polandia Portugal itali, 


Ahli pikir bankir, 


Pinter bagus alus. 




18.


Sinom




Narendra Jayanegara, 


Tri Bhuwana Tungga Dewi,


Hayamwuruk angandika, 


Marang hartaka dipati,


Sagung arta winasis,


Mantri pasar dagang bakul, 


Juru bandha lumaksa, 


Rumeksa dhuwit mas pucis, 


Pinercaya balung sungsuming negara. 




Wignya guna daya arta, 


Tatas titis emas picis,


Sasana bandha lumaksa, 


Penggalih gemi nastiti, 


Rigen mugen taberi, 


Pangageng hartaka agung, 


Gancaring among dagang, 


Dol tinuku siyang ratri,


Bankir nyata bahu sukuning panyipta. 




19.


Dhandhanggula




Atur aris kinarya memanis, 


Sinuwun Prabu Jayanegara, 


Prameswari Ratu Jene,


Uninga dunung petung, 


Lenging pikir bankir ingukir, 


Sumimpen raja brana, 


Patut inten jumrut, 


Tumpuk undhung tumpa turah,   


Keh priyayi sinau urip permati, 


Permana ngupa arta. 




Jagi sana hartaka rinukti, 


Bank kaprajan ing Bojonegara,


Regeng ngengreng gedhong gedhe, 


Hartaka tumpa tumpuk, 


Kapitayan wong saknegari, 


Pasrah dhuwit priyangga, 


Titip mas jumerut, 


Wilujeng bandha lumaksa, 


Sarwa sarwi gemi nastiti taberi, 


Praja tata raharja. 




20.


Kinanthi




Emas lisah jati gayut, 


Tumangkaring juru bankir, 


Pangembat para nayaka, 


Majapahit dana picis, 


Sinartan niyat kawignyan,


Bebrayan trus urup urip. 




21


Maskumambang




Alas jati semen gamping minyak bumi, 


Mapan uruting bengawan, 


Gajah Mada antuk bathi, 


Minangka wragating praja. 




22.


Gambuh




Pabrik kreta perahu, 


Lancar mlaku minyak tanah perlu, 


Juru mudhi nangkodha nganggo piranti, 


Pamong bandar dharat laut, 


Majapahit gya rumojong.



Purwadi

Komentar

Posting Komentar

Postingan populer dari blog ini

Hari Raya Idul Fitri

Gambar
 Hari Raya Idul Fitri 1. Dhandhanggula Idul Fitri.  Wus ngumandhang tahmid dikir takbir,  Tandha pamungkase sasi Pasa,  Sigrak gumyak katon rame,  Papan sajuru juru,  Idul Fitri wanci wigati,  Siyam wulan Ramadhan,  Purna tatag tutug,  Suka mahargya lebaran,  Amastuti marang piwulang agami,  Lumampah saben warsa.  Sugeng hari raya Idul Fitri,  Wonten ngarsanipun Panjenengan,  Konjuk sesepuh pepundhen,  Kangmas adhik lan mbakyu,  Nyuwun idi Purwadi Sari,  Adityo Bimo pasrah,  Anindito matur,  Yen ulat patrap  pangucap,  Sasap sisip linuberna welas asih,  Dhateng kula sakbrayat.  Pareng nyuwun gunging pangaksami,  Awit saking kehing kalepatan,  Ingkang alit saha gedhe,  Jroning sambung lan srawung,  Muna muni kirang prayogi,  Anungkak tata krama,  Tilar unggah ungguh,  Sopan santun suba sita,  Pasrah dhiri mumpung hari Idul Fitri, ...
Baca selengkapnya

Dr Nugroho Puji Santoso S.Pd M.Pd

Gambar
 Dr Nugroho Puji Santoso S.Pd M.Pd A.  Akademik Tertinggi Lulus Program Doktor dengan predikat summa cumlaude. Pujian tingkat tertinggi. Itulah Dr Nugroho Puji Santoso M.Pd. Sesanti ayu hayu rahayu.  Hari bersejarah yang istimewa bagi Mas Nugroho  Puji Santoso. Kamis, 5 Maret 2026 jam 10 diadakan ujian promosi doktor. Bertempat di ruang sidang utama GPLA FIKK UNY.  Pak Rektor Prof Dr Sumaryanto M.Kes AIPO memimpin jalannya sidang. Prof Dr Drs Subagyo M.Pd dan Prof Dr Nurhadi Santoso S. Pd M.Pd bertindak selaku promotor dan ko promotor. Keutuhan nilai disertasi atas saran Dr Drs Muarif M.Pd dan Dr Purwadi SS M.Hum yang menjadi anggota penguji.  Paparan promovendus menarik dan memikat. Gamblang terang wijang. 10 menit berhasil memberi penjelasan isi disertasi.  B.  Amanat Pak Rektor Tutur uwur lan sembur dari Pak Rektor UNY untuk mengantar pribadi luhur. Wejangan Promosi Pak Rektor perlu diperhatikan. Pada saat maringi pengantar berguna untuk menamb...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya