Babad Herwin Yogo Wicaksono

Babad Herwin Yogo Wicaksono

1.

Pangkur

Bapak Herwin sampun purna, 

FBSB UNY seni musik, 

Abadi  dados sedulur, 

Nadyan beda panggonan, 

Tetep sambung sawang srawung  lung tinulung, 

Kanugrahan karaharjan, 

Panjang yuswa waras wiris.

2.

Mijil

Grapyak sigrak gumyak merak ati, 

Pak Herwin miraos, 

Pengabdian ing UNY suwe, 

Siyang ratri caos darma bakti, 

Dhumateng negari, 

Dumugi pensiun.

3.

Maskumambang

Herwin Yogo Wicaksono tatas titis, 

Momong momor  mahasiswa, 

Mulang muruk anak didik, 

Jiwa raga paripurna.

4.

Kinanthi

Cara alus cipta bagus, 

Pak Herwin mlampah prayogi, 

Tumangkaring kesenian, 

Langkung endah edi peni, 

Minangka sangune pentas, 

Tumraping pakaryan murid.

5.

Gambuh

Dosen ampuh wus saguh, 

Tanggap tangguh sabarang tinempuh, 

Herwin Yogo Wicaksono amarsudi, 

Manah sepuh galih wutuh, 

Ngelmu laku lahir batos. 

1 Juli 2026.

Purwadi