Serat Merbabu Salatiga

 Serat Merbabu Salatiga

Kinanthi 

Sedulur gunung Merbabu, 

Wus ketitik dina becik, 

Ngegla gunung Telamaya, 

Kidule gunung Merapi, 

Ing tekad padha manunggal, 

Rakete silaturahmi. 

Susukan papan ing dhusun, 

Nyatane pancen ngangeni, 

Akeh sawah lan tanduran, 

Banyu mili seger bening, 

Hawa adhem sarwa penak, 

Ayem tentrem jroning ati. 

Wetane gunung Merbabu, 

Gedhang tela jagung pari, 

Ijo royo-royo endah, 

Ana gumuk alas kali, 

Kiwa tengen Salatiga, 

Susukan sangsaya asri. 

Kumricik ing Kali Jambu, 

Welut lele wader sili, 

Kanggo lawuh enak eca, 

Ayam bebek kebo sapi, 

Esuk sore ing tegalan, 

Bareng lan ocehing peksi.

Aneng gumuk Jaga Satru, 

Sarta gumuk Ganda Suli, 

Sarana suka wisata, 

Saking kutha bali mudik, 

Wektu liburan lebaran, 

Badan sehat waras wiris. 

Wulang wuruk lumantar reriptan kasusastran. Tafsir dan makna ajarannya buat renungan. Sebaiknya setiap generasi muda mau mencatat sejarah leluhur. Supaya anak- anak tahu perjuangan. Juga berguna untuk menatap masa depan yang lebih gemilang. 

Sabtu Legi, 28 Pebruari 2026

Purwadi