Dr BRM Bambang Irawan M.Si.

 Dr BRM Bambang Irawan M.Si. 



1.

Dhandhanggula


Program doktor ilmu ekonomi, 

Minat Ekonomi Pembangunan, 

Gumregut ngayahi gawe, 

Pendadaran tinempuh, 

Disertasi gelis tinulis, 

Mangka karya ilmiah, 

Tangguh ampuh wutuh, 

BRM Bambang Irawan, 

Gita gati sagung promotor penguji, 

Bawa rasa wangsulan. 


Prof Bhimo Rizky Samudro nenggih, 

Minangka promotor sung wewarah, 

Wondene ko promotore,

Profesor Doktor Agung, 

Nur Probohudono nyartani, 

Mawi wursita tama, 

Doktor Albert Maqnus,

Duwija sabar darana, 

Tata titis tetiga sami patitis, 

Pamomong pawiyatan. 


Doktor Siti Aisyah penguji, 

Profesor Supriyono amedhar, 

Yogi Pratama angronce, 

Mangka doktor pinunjul, 

Sri Susilo sung silastuti, 

Wiyata Surakarta, 

UNS misuwur, 

Kehing kawignyan kababar, 

Mrih lestari jumangkah hayu basuki, 

Kabagyan paripurna. 


2.

Mijil


Kapurwakan dhahar eca gurih, 

Mat matan karaos,

Sigrak gumyak cecaturan rame, 

Jajan pasar enak mbanyu mili,

Ngelak ngunjuk nuli, 

Nyata gathuk mathuk. 


3.

Megatruh


Universitas Sebelas Maret unggul, 

Bambang Irawan mastuti, 

Pangawikan trus ngrembuyung, 

Ngleluri tumangkar semi, 

Jumbuhing jaman kelakon. 


4.

Mas Kumambang


Disertasi ngrembug dampak ekonomi, 

Wisatawan tanah  Jawa, 

Dumugi Pulau Bali, 

Mawas inter regional. 


5.

Durma 


Bandoro Raden Mas Bambang Irawan gya,

Jumangkah mesu budi, 

Wawasan wisata, 

Kagunan kabudayan, 

Olah kridhaning ekonomi, 

Karya ilmiah, 

Garapan disertasi. 


6.

Gambuh


Mersudi barang kawruh, 

Adhedhasar tuntunan pituduh, 

Pra winasis mrih bisane manis aris, 

Tatag tutug munggah mungguh, 

Kapribaden tanggap tanggon. 


7.

Pucung


Sinengkuyung pengalaman ngelmu luhung, 

Guna tata cara, 

Tedhak dharahing priyayi, 

Kawibawan kadidadan karaharjan. 


8.

Pangkur


Kepranan Bambang Irawan, 

Karawitan kagunan bedhaya tari, 

Ngrumpaka ukara tembung, 

Tembang lagon ngumandhang, 

Wus cinatur terang trewaca pitutur, 

Wedharaning kapujanggan, 

Sugih singgih wus pinanggih. 


9.

Asmarandana


Ngudi wulangan lelungit, 

Surakarta Hadiningrat, 

Pindha kencana rinonce, 

Dewaruci wulang putra, 

Wulangreh wira iswara, 

Candrarini sanasunu, 

Reriptan para pujangga. 


10.

Sinom


Tindhihing wira pradangga, 

Gender slenthem gambang suling, 

Saron demung kendhang bonang, 

Siter clempung jedhor peking,

Kethuk kenong keprak kempul, 

Gong bendhe beri rebab, 

Bambang Irawan terampil, 

Micara miraga mirasa piguna. 


11.

Kinanthi


Promosi sampun lumaku, 

Bambang Irawan kagalih, 

Berkat drajat pangkat semat, 

Kehing karti murakabi, 

Kinarya sangu suwita, 

Angulir jagad sakalir. 



Rebo Pon, 4 Pebruari 2026.

Purwadi

Komentar

Posting Komentar

Postingan populer dari blog ini

Babad GKR WANDANSARI

Gambar
 Babad  GKR WANDANSARI Reriptan: Purwadi 1. Dhandhanggula Gusti Kanjeng Ratu Wandansari,  Pangageng ing Sasana Wilapa,  Wiyosan siji Nopember,  Seket sanga kang tahun,  Panjang yuswa ambaling warsi,  Abdi dalem mahargya, Pamuji rahayu,  Lenggah agung binathara,  Wus lestari mbahu dhendha nyakrawati,  Karaton Surakarta.  Gusti Ratu Moertiyah marisi, Lekas luhur Kanjeng Sultan Pajang, Jaka Tingkir Mas Karebet,  Sumare aneng Butuh,  Nyata paring tepa palupi,  Trah Prabu Brawijaya,  Peputra Pembayun,  Dipati Handayaningrat,  Turun Pengging darah luhur tirta wening,  Ngejayeng tanah Jawa.  2. Pangkur Ambeg adil paramarta,  Myang ber budi bawa laksana yekti,  Tangguh tanggon paring dhawuh,  Amemayu bawana,  Gusti Ratu Wandansari amituhu,  Ing Lembaga Dewan Adat,  Wadhah suwita angabdi.  Pasrah Gusti Koes Moertiyah,  Seba sowan mring Ki Ageng Penjawi, Juru Mart...
Baca selengkapnya

Kidung Idul Fitri

Gambar
 Kidung Idul Fitri Perangan 1 Kupat Idul Fitri 2025 1. Dhandhanggula Konjuk dhateng Panjenengan sami, Kula Purwadi lan Sari Indah,  Dalah anak sedayane,  Adityo kang rumuhun,  Aryo Bimo kang nomer kalih,  Anindito ketiga,  Pareng unjuk atur,  Bagya mulya hari raya,  Idul fitri nyuwun gunging pangaksami,  Lahir batin sumarah. Sami eling dinten Senin Paing,  Telu siji Maret gya lumampah,  Tahun rong ewu selawe,  Mahargya wanci agung,  Manggih riyaya idul fitri,  Winastanan lebaran,  Suwara gumuruh, Ngumandhang ing awang awang,  Tahlil takbir tahmid tasbeh dikir,  Pasa Ramadhan purna.  2. Megatruh Minal aidin wal faidin umatur,  Pangapura lahir batin,  Bapak ibu para sepuh, Kangmas mbakyu adhik adhik,  Jawat asta amiraos.  Pulang kampung lumaksana turut lurung, Saking kutha hilir mudik,  Desa sejatine hulu,  Pralampita wong ngaurip,  Saguh momong momor momot. 3. Miji...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya