SYEKH SITI JENAR MBABAR KAWRUH

 SYEKH SITI JENAR MBABAR KAWRUH


P

Dhandhanggula


1.

Surenggama sami nabda aris, 

Heh Siti Bang sun ringkes kewala, 

Keh padudon tanpa gawe, 

Mung roro wasitengsun, 

Lah rasakna salah sawiji, 

Urip lawan palastra, 

Ywa angro karepmu, 

Tanggap Kanjeng Siti Jenar, 

Pindho kardi datan arsa pinrih mati, 

Ngekehna duka cipta. 


2.

Kula pilih urip datan mati, 

Dadi langgeng nora iki ika, 

Nanging karsaningsun dhewe, 

Tan usah wali ratu, 

Kang ngulihken mring alam urip, 

Kaya dudu uliya, 

Ndadak njaluk tulung, 

Marang sesamining jalma, 

Siti Jenar datan suwe mamrih urip, 

Lah mara waspadakna. 


3.

Kula mulih pribadining urip, 

Surenggama sumambung wacana, 

Jenar paran pratingkahe, 

Denyarsa murweng hidhup,

Caritakna patrape kaki, 

Mesem Syekh Siti Jenar, 

Apa datan weruh, 

Layak kerasan neng dunya, 

Siti Jenar datan kewran alam jati, 

Geladhen saben dina. 


4.

Piyarsakna kabeh surenggami, 

Mawartani traping murweng gesang, 

Saking maul khayat wite, 

Winastan kamandanu, 

Tirta marta banyune urip, 

Jejere mung sajuga, 

Gya pinara telu, 

Tetiga pinara sanga, 

Nanging dhingin kudu wruh purbaning urip, 

Dwi wruh kodrating gesang. 


5.

Dyan amiwit nutup banyu urip, 

Kang tri warna bareng pinepetan, 

Pandulu lan pamiyarsane, 

Katelune pangambu, 

Mula iku purbaning budi, 

Budaya panca driya, 

Wus kerut karacut,

Kukut ing telenging nala, 

Golong gilig gumeleng dadi sawiji,

Jumeneng Sukma Mulya. 


6.

Patitise rasakna pribadi, 

Lamun sira kabeh nora tampa, 

Titah mentah tanpa gawe, 

Lamun datan sumurup, 

Kawasane kang banyu urip, 

Yeku jantunge angga, 

Marmanta ragamu, 

Adarbe rasa pangrasa, 

Tambah maning daging mentah datan bacin, 

Saking amaul khayat. 


7.

Angawruhi sakeh kapti jati, 

Mepet ponang kang tirta nirmala,

Andadak mangsa arane, 

Gampang angel puniku, 

Gampangira lamun wus uning, 

Patrap traping pangangkah, 

Ngracut sarta ngukut,

Kumpuling kang sangkan paran, 

Amastani lakuning tanajul tarki, 

Kenaning kene kana. 



Purwadi, 

Ahad Wage, 23 Nopember 2025

Komentar

Posting Komentar

Postingan populer dari blog ini

Babad GKR WANDANSARI

Gambar
 Babad  GKR WANDANSARI Reriptan: Purwadi 1. Dhandhanggula Gusti Kanjeng Ratu Wandansari,  Pangageng ing Sasana Wilapa,  Wiyosan siji Nopember,  Seket sanga kang tahun,  Panjang yuswa ambaling warsi,  Abdi dalem mahargya, Pamuji rahayu,  Lenggah agung binathara,  Wus lestari mbahu dhendha nyakrawati,  Karaton Surakarta.  Gusti Ratu Moertiyah marisi, Lekas luhur Kanjeng Sultan Pajang, Jaka Tingkir Mas Karebet,  Sumare aneng Butuh,  Nyata paring tepa palupi,  Trah Prabu Brawijaya,  Peputra Pembayun,  Dipati Handayaningrat,  Turun Pengging darah luhur tirta wening,  Ngejayeng tanah Jawa.  2. Pangkur Ambeg adil paramarta,  Myang ber budi bawa laksana yekti,  Tangguh tanggon paring dhawuh,  Amemayu bawana,  Gusti Ratu Wandansari amituhu,  Ing Lembaga Dewan Adat,  Wadhah suwita angabdi.  Pasrah Gusti Koes Moertiyah,  Seba sowan mring Ki Ageng Penjawi, Juru Mart...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya

Kidung Idul Fitri

Gambar
 Kidung Idul Fitri Perangan 1 Kupat Idul Fitri 2025 1. Dhandhanggula Konjuk dhateng Panjenengan sami, Kula Purwadi lan Sari Indah,  Dalah anak sedayane,  Adityo kang rumuhun,  Aryo Bimo kang nomer kalih,  Anindito ketiga,  Pareng unjuk atur,  Bagya mulya hari raya,  Idul fitri nyuwun gunging pangaksami,  Lahir batin sumarah. Sami eling dinten Senin Paing,  Telu siji Maret gya lumampah,  Tahun rong ewu selawe,  Mahargya wanci agung,  Manggih riyaya idul fitri,  Winastanan lebaran,  Suwara gumuruh, Ngumandhang ing awang awang,  Tahlil takbir tahmid tasbeh dikir,  Pasa Ramadhan purna.  2. Megatruh Minal aidin wal faidin umatur,  Pangapura lahir batin,  Bapak ibu para sepuh, Kangmas mbakyu adhik adhik,  Jawat asta amiraos.  Pulang kampung lumaksana turut lurung, Saking kutha hilir mudik,  Desa sejatine hulu,  Pralampita wong ngaurip,  Saguh momong momor momot. 3. Miji...
Baca selengkapnya