BABAD DR DRIJASTUTI JOGJANINGRUM MA

 BABAD DR DRIJASTUTI JOGJANINGRUM MA

1

Gambuh

Bu Drijas Jogjaningrum, 

Mekar arum minulya sadarum, 

Amarsudi pasinaon kang sejati, 

Ampuh kinarya pituduh, 

Wus sumandhang gelar doktor. 

Meguru ngelmu laku, 

Bahu suku landhesan panemu, 

Tatar titir kumitir sakjroning pikir, 

Manggih singgih munggah mungguh, 

Tatas titis tanggap tanggon. 

Kanugrahan pinunjul, 

Unggul kabul karya agul agul, 

Karta karti doktor jangkeping piranti, 

Kampus FBSB luhur, 

UNY sigra sumorot. 

2.

Pangkur

Kaloka kinarya japa, 

Pralampita asmane Drijastuti, 

Mustika telenging kalbu, 

Landheping cipta nala, 

Jogjaningrum rahayu ngambar arum, 

Berkat drajat pangkat semat, 

Jiwa raga aris manis. 

3.

Mijil 

Laras musik luruh liris resik, 

Kadulon kaprungon, 

Drijastuti Jogjaningrum ngereh, 

Tata titi seni edi peni, 

Endah milangeni, 

Agung adi luhung. 

4.

Maskumambang

Drijastuti Jogjaningrum sung palupi, 

Tamat purna pawiyatan, 

Sangu suwita negari, 

Darma bakti nusa bangsa. 

29 Oktober 2025,

Purwadi, 

FBSB UNY