TEPUNG FAKULTAS GADJAH MADA
TEPUNG FAKULTAS GADJAH MADA
1.
Fakultas Ekonomi Bisnis
Pangkur
Ambelani nasib rakyat wong cilik,
Murih melu mesem guyu,
Perlune kebutuhan,
Desa gunung kutha tumangkar ngrembuyung,
Saka guru olah pikir.
Arta daya kang warata,
Ekonomi keadilan prayogi,
Samya weruh barang butuh,
Sandhang pangan lan papan,
Gya ginayuh bebarengan sapa aruh,
Rampungan kabeh pakaryan,
Gotong royong kerja bakti.
2.
Pangkur
Mungguh weruh peprintahan,
Fakultas ilmu sosial politik,
Hubungan internasional kadulu,
Kuliah ing sosiatri.
Nggulawenthah tata praja,
Tatas titis demokratis,
Musyawarah urun rembug,
Partisipasi rakyat,
Kanthi usul thukul gagasan pinunjul,
Paugeran lelandhesan,
Undang undang konstitusi.
3.
Mijil
Fakultas Peternakan memetri,
Makanan bergizi,
Lega luwih lawuh.
Ketahanan cukup cekap daging,
Perlu ingon ingon,
Iwak endhog telor dhendheng lele,
Badher wader urang sepat teri,
Gorameh njangkepi,
Katut bumbu welut.
4.
Mijil
Fakultas Pertanian mersudi,
Sawo nangka cerme dhuku kates,
Timun krai kenthos jeruk garbis,
Pangan tela puhung jagung pari,
Uwi garut ganyong,
Ramban jangan sambel tahu tempe,
Palawija genep palakitri,
Produksi petani,
Penghasilan mumbul.
5.
Durma
Kayu jati kayu mranti kayu sana,
Tengahing alas urip,
Fakultas Kehutanan,
Nliti bisane untung bathi,
Wilayah jembar,
Perlu berjuang gigih.
Daya dinayan produksi kehutanan,
Kehing sato njangkepi,
Gumandhul wowohan,
Palapendhem kesimpar,
Rumambat tumelung tumali,
Madyane alas,
Ganjaran endah asri.
6.
Asmarandana
Ing Fakultas Biologi,
Kawentare ilmu hayat,
Naliti sakehing mahluk,
Pinanggih bagya minulya.
Kesadaran ekologi,
Biologi awewarah,
Alam nglami jejer moncer,
Kinarya darma wisata,
Murah ramah genep genah,
Angkat junjung turut lurung,
Panguripan kanugrahan.
7.
Maskumambang
Gambar jagad ing Fakultas Geografi,
Winawas kanthi permana,
Padhas watu isi bumi,
Tenanan ngreksa lingkungan.
Janaloka madyapada titah sami,
Ing sadhengah dunung papan,
Njajah desa milangkori,
Geografi asung warta.
8.
Pucung
Kang ginayuh suker sakit gelis sembuh,
Badan bagas waras,
Mardi Fakultas Farmasi,
Tamba teka krana obat lara lunga.
Ngunjuk jamu kesehatan wus tinemu,
Jampi saking alam,
Miturut kadang Farmasi,
Badan sehat nyambut gawe tetep kuat.
9.
Megatruh
Kondhang arum kadang kedokteran Umum,
Fakultas sinau medis,
Tandang turun kebak purun,
Pengabdian mring sesami,
Najan repot sanggan abot.
Kesempatan kautaman dokter tuhu,
Nyuda sakehing sesakit,
Tumuju ayu rahayu,
Dadi aji migunani,
Bebrayan hormat rumojong.
10.
Megatruh
Kedokteran gigi ngreksa waja untu,
Kudu eling sehat penting,
Fakultas luhur misuwur,
Sakeh perih musna nyingkrih,
Panjang yuswa bakal klakon.
Ngancik umur pakulinan wiwit timur,
Jaga kesehatan gigi,
Aja nganti cuwil runtuh,
Bangun esuk areresik,
Waja kuat karahayon.
11.
Gambuh
Kawruh hukum sadarum,
Ing Fakultas hukum ngambar arum,
Madeg jejeg kukuh bakuh bener adil,
Pradata praja njunjung,
Subur makmur ayem ayom.
Sadar hukum rinangkum,
Kaya tapa ngeli tapa kungkum,
Tata tertib mangka ukuran ngaurip,
Disiplin sumaguh patuh,
Pantes kalamun katonton.
12.
Fakultas Psikologi
Gambuh
Mardi asung pituduh,
Tutur ampuh sepuh kang ginayuh,
Kadang Fakultas Psikologi,
Jiwa susah trus gumuyu,
Wus sumeleh lahir batos.
Sembur uwur pitutur,
Tarik ulur bebrayan teratur,
Merak ati psikologi anerangi,
Nasib kojur owah mujur,
Selaras jiwane uwong.
13.
Fakultas MIPA
Gambuh
Etung etung jinurung,
Fakultas MIPA ngawruhi petung,
Angleluri tambah kurang kali bagi,
Lagak lagu lugas lugu,
Ora pareng kejelomprong.
Sesrawungan dol tinuku,
Pancen perlu petungan lumaku,
Golek bathi dagang layar ora rugi,
Kadang MIPA sung wajangan,
Candhak kulak cucuk cocok.
14.
Fakultas Teknik
Gambuh
Jurusan arsitektur,
Mesin sipil geodesi katur,
Geologi nuklir perlu yen dipikir,
Fakultas Teknik mituhu,
Maweh perbawa sumorot.
Undhaking jaman maju,
Informasi inovasi perlu,
Wus ketitik Fakultas Teknik kang becik,
Prayogo samya maguru,
Geleng tumata gumolong.
15.
Fakultas Kedokteran Hewan
Sinom
Nihan Kedokteran Hewan,
Fakultas nyata wigati,
Sakjinising sato kewan,
Raja kaya puniki,
Undhaking wulu pametu,
Aburing iwen sehat,
Sugih luwih sangga singgih,
Adoh jembar ingon ingon trus tumangkar.
Pucung
Untu siyung ingon ingon ora putung,
Adoh ing lelara,
Ama lunga sakit minggir,
Sato kewan kopen kajen kanugrahan.
16.
Fakultas Filsafat
Dhandhanggula
Lumaksana sarjana winasis,
Mbudidaya Fakultas Filsafat,
Olah pamikir mentereng,
Sepi sonya merenung,
Amarsudi dugi subtansi,
Syariat lan tarikat,
Krungu ndulu ngrungu,
Hakikat nganti makrifat,
Anyunari padhang jingglang anelahi,
Ilmu kawicaksanan.
Maskumambang
Fakultas Filsafat tansah amarsudi,
Nresnani kawicaksanan,
Logis etis lan estetis,
Bener apik endah tenan.
17.
Fakultas Vokasi
Kinanthi
Leladi sinebut juru,
Contone Juru Martani,
Anggegladhi ketrampilan,
Cocok Fakultas Vokasi,
Kebanggaan Gadjah Mada,
Kanggo sanguning makarti.
Pucung
Maju terus mitra vokasi terurus,
Merga sarwa bisa,
Sakeh pakaryan ngrampungi,
Tuntas lugas jiwa waras raga bagas.
18.
Sekolah Pasca Sarjana
Pucung
Payung agung dadi sekolah ginunggung,
Ing Pasca Sarjana,
Kawruh landhep tambah lantip,
Wus kababar sakwernane jagad anyar.
Tambah dhuwur pemikiran saya luhur,
Jembare wawasan,
Permati nggenya makarti,
Ayo rowang kakung putri dha tumandang.
19.
Fakultas Ilmu Budaya
Dhandhanggula
Gelis wasis bahasa Perancis,
Jepang Inggris lan Indonesia,
Bahasa daerah age,
Antropologi antuk,
Gathuk mathuk arkeologi,
Sejarah saestu,
Fakultas Ilmu Budaya,
Jatidhiri nusa bangsa den upadi,
Dhedhasar Pancasila.
Pucung
Tepung dunung budaya kang adi luhung,
Ing pariwisata,
Jurusan sing edi peni,
Basa Arab basa Korea ginarap.
Maskumambang
Kabudayan jatidiri trus lestari,
Identitas nasional,
Gadjah Mada angleluri,
Tumataning peradaban.
Purwadi,
HP 087864404347
Alumni S1, S2, S3 UGM.
Komentar
Posting Komentar