FAKULTAS UGM NGUDI LUUHUR

 FAKULTAS UGM NGUDI LUUHUR

1.

Fakultas Ekonomi  Bisnis

Pangkur

Ekonomi kerakyatan, 

Ambelani nasib rakyat wong cilik, 

Murih melu mesem guyu, 

Perlune kebutuhan, 

Desa gunung kutha tumangkar ngrembuyung, 

Perguruan Gadjah Mada, 

Saka guru olah pikir. 

2.

Fakultas Ilmu Sosial Politik

Pangkur

Mungguh weruh peprintahan, 

Fakultas ilmu sosial politik, 

Kampanye proses pemilu, 

Sosiologi ajar, 

Hubungan internasional kadulu, 

Komunikasi ginelar, 

Kuliah ing sosiatri. 

3.

Fakultas Peternakan

Mijil

Domba menda kuda kebo sapi, 

Banyak meri menthok, 

Ayam jago babon minthi bebek, 

Fakultas Peternakan  memetri, 

Makanan bergizi, 

Lega luwih lawuh. 

4.

Fakultas Pertanian

Mijil

Fakultas Pertanian mersudi, 

Pelem jambu melon, 

Sawo nangka cerme dhuku kates, 

Timun krai kenthos jeruk garbis, 

Salak apel manggis, 

Juwet pisang munggur. 

5.

Fakultas Kehutanan

Durma

Kayu jati kayu mranti  kayu sana, 

Tengahing alas urip, 

Fakultas Kehutanan, 

Nliti bisane untung bathi, 

Wilayah jembar, 

Perlu berjuang gigih. 

6.

Fakultas Biologi

Asmarandana

Ing Fakultas Biologi, 

Kawentare ilmu hayat, 

Mamalia amfibie, 

Karnivora herbivora, 

Reptilia omnivora, 

Naliti sakehing mahluk, 

Pinanggih bagya minulya. 

7.

Fakultas Geografi

Maskumambang

Gambar jagad ing Fakultas Geografi, 

Winawas kanthi permana, 

Padhas watu isi bumi, 

Tenanan ngreksa lingkungan. 

8.

Fakultas Farmasi

Pucung

Kang ginayuh suker sakit gelis sembuh, 

Badan bagas waras, 

Mardi Fakultas Farmasi, 

Tamba teka krana obat lara lunga.

9.

Fakultas Kedokteran Umum

Megatruh

Kondhang arum kadang kedokteran Umum, 

Fakultas sinau medis, 

Tandang turun kebak purun, 

Pengabdian mring sesami, 

Najan repot sanggan abot. 

10.

Fakultas Kedokteran Gigi

Megatruh

Kedokteran gigi ngreksa waja untu, 

Kudu eling sehat penting, 

Fakultas luhur misuwur, 

Sakeh perih musna nyingkrih, 

Panjang yuswa bakal klakon. 

11.

Fakultas Hukum

Gambuh

Kawruh hukum sadarum, 

Ing Fakultas hukum ngambar arum, 

Madeg jejeg kukuh bakuh bener adil, 

Pradata praja njunjung, 

Subur makmur ayem ayom. 

12.

Fakultas Psikologi

Gambuh

Mardi asung pituduh, 

Tutur ampuh sepuh kang ginayuh, 

Kadang Fakultas Psikologi, 

Jiwa susah trus gumuyu, 

Wus sumeleh lahir batos. 

13.

Fakultas MIPA

Gambuh

Etung etung jinurung, 

Fakultas MIPA ngawruhi petung, 

Angleluri tambah kurang kali bagi, 

Lagak lagu lugas lugu, 

Ora pareng kejelomprong. 

14.

Fakultas Teknik

Jurusan arsitektur, 

Mesin sipil geodesi katur, 

Geologi nuklir perlu yen dipikir, 

Fakultas Teknik mituhu, 

Maweh perbawa sumorot. 

15.

Fakultas Kedokteran Hewan

Sinom

Nihan Kedokteran Hewan, 

Fakultas nyata wigati, 

Sakjinising sato kewan, 

Raja kaya puniki, 

Undhaking wulu pametu, 

Aburing iwen sehat, 

Sugih luwih sangga singgih, 

Adoh jembar ingon ingon trus tumangkar. 

16.

Fakultas Filsafat

Dhandhanggula

Lumaksana sarjana winasis, 

Mbudidaya Fakultas Filsafat, 

Olah pamikir mentereng, 

Sepi sonya merenung, 

Amarsudi dugi subtansi, 

Syariat lan tarikat, 

Krungu ndulu ngrungu, 

Hakikat nganti makrifat, 

Anyunari padhang jingglang anelahi, 

Ilmu kawicaksanan.

17.

Fakultas Vokasi

Kinanthi

Leladi sinebut juru, 

Contone Juru Martani, 

Anggegladhi ketrampilan, 

Cocok Fakultas Vokasi, 

Kebanggaan Gadjah Mada, 

Kanggo sanguning makarti. 

18.

Sekolah Pasca Sarjana

Pucung

Payung agung dadi sekolah ginunggung, 

Ing Pasca Sarjana, 

Kawruh landhep tambah lantip, 

Wus kababar sakwernane jagad anyar. 

19.

Fakultas Ilmu Budaya

Dhandhanggula

Gelis wasis bahasa Perancis, 

Jepang Inggris lan Indonesia, 

Bahasa daerah age, 

Antropologi antuk, 

Gathuk mathuk arkeologi, 

Sejarah saestu, 

Fakultas Ilmu Budaya, 

Jatidhiri nusa bangsa den upadi, 

Dhedhasar Pancasila. 

Purwadi, 

HP 087864404347

Alumni S1, S2, S3 UGM.