DARMA REKTOR GADJAH MADA

 DARMA REKTOR GADJAH MADA




1.

Prof Dr Sardjito


Pangkur


Nihan Rektor  Gadjah Mada, 

Murwakani Prof Sardjito makarti, 

Mandhegani kampus bagus, 

Guru besar kawentar, 

Kiyat kayun tindak tanduk sopan santun, 

Sarjana rikat trengginas, 

Bandha sugih welas asih. 


Perjuangan kamardikan, 

Revolusi papat lima ndarbeni, 

Labet labuh wantah wutuh,

Tekad kuat semangat, 

Trus bebantu marang prajurit kang maju, 

Ing madyaning rananggana, 

Obat medis waras wiris. 


2.

Prof Ir Herman Johannes


Pangkur


Gadjah Mada gya ngrembaka, 

Wus pinanggih pimpinan kaping kalih, 

Prof Johannes sembur tutur, 

Kawignyan kamanungsan, 

Becik udhu bahu suku lan panemu, 

Ilmu laku wicaksana, 

Guyub rukun gotong royong. 


Pengabdian mring negara, 

Narapraja pilih sepi ing pamrih, 

Mentri pekerjaan umum, 

Pinercaya DPA, 

Gelem urun gawe gumun keh kayungyun, 

Panaliten kemajuan, 

Ilmuwan ber darma bakti. 


3.

Drg Nazir Alwi


Mijil


Nazir Alwi pimpinan kaping tri,

Gumeleng gomolong, 

Pawiyatan luhur enjang sore, 

Kersa paring kawruh mas sinangkling, 

Dokter gigi angling, 

Dimen cakap  cukup.


Anglenggahi Rektor ambal ping dwi, 

USU Sumatra lor, 

Nuli Gadjah Mada sakteruse, 

Batubara ing Muara Enim, 

Baut ekonomi, 

Gegancangan petung. 


4.

Drs Soepojo Padmodipoetro


Mijil  


Soepojo Padmodipoetro nuli, 

Mangka dados rektor, 

Sigra anetepi gawa gawe, 

Gajah Mada basuki lestari, 

Cerak anak didik, 

Murih ayem hayu. 


Glis lumaris makarya patitis, 

Dubes ing UNESCO, 

Trah kusuma kedhaton pamase, 

Mangkurat Banyumas Narapati, 

Ngemban Sekjend Dikti, 

Guru SR Bandung. 


5.

Prof Dr Soeroso H Prawirohardjo


Gambuh


Pimpinan kukuh bakuh, 

Soeroso Prawirohardjo tangguh, 

Siyang ratri ngesti pakarti pambudi, 

Jumbuh barang kang ginayuh, 

Gajah Mada trus mencorong. 


Kagunan adi luhung, 

Jagad gumelar jagad gumulung, 

Anggota MPR lan Javanologi, 

Wajib belajar sing perlu, 

Pamulangan putra katog. 


6.

Prof Dr Sukadji Ranuwihardjo


Gambuh


Kedhung kawruh pituduh, 

Soekadji Ranuwihardjo ampuh, 

Pinter bener kober bleger banter yekti, 

Jiwa agung sinengkuyung, 

Gajah Mada kang kesohor. 


Besus alus winuwus,

Pikir lurus saniskara putus, 

Seni edi peni wani nyembadani,

Dirdjen Dikti gung linangkung, 

Tegas tuntas andhap asor. 


7.

Prof Dr Teuku Jacob


Kinanthi


Prof Teuku Jacob tuhu, 

Jembararing wawasan ngelmi, 

Gagasan mawi tulisan, 

Sumebaring kalawarti, 

Ahli saindhenging dunya, 

Paleo antropologi. 


Ngupakara ing musium, 

Laboratorium inggil, 

Kanggo manusia purba, 

Tumraping pra panaliti, 

Begawan cendekiawan, 

Sarjana jati mumpuni. 


8.

Prof Dr Koesnadi  Hardjasoemantri


Kinanthi


Genep Rektor kaping wolu, 

Koesnadi Hardjasoemantri, 

Susila grapyak semanak, 

Solah bawa merak ati, 

Micara sarta miraga, 

Kulina dadi aktivis. 


Kegiatan muncar murub, 

Sami sowan konsultasi, 

Priyayi Tasikmalaya, 

Awewarah milangeni, 

Ruwet rentenging kahanan, 

Rampung beres den udhari. 


9.

Prof Dr Ir Mohammad Adnan 


Maskumambang


Bagus alus Muhammad Adnan kapyarsi, 

Luwes gandhes pangandika, 

Tatas titis samukawis, 

Temen temu wicaksana. 


Tepa palupi ing panggraita lantip, 

Momong dosen bisa, 

Momor kehing mahasiswa, 

Momot warga perguruan. 


10.

Prof Dr Soekanto Reksohadiprojo, 


Maskumambang


Soekanto Reksohadiprojo marsudi, 

Gumregut greget gumregah, 

Gelaring budaya seni, 

Gajah Mada rum kuncara. 


Sembur uwur sumawur ing sanubari,

Jalma limpat rikat cukat, 

Paugeran migunani, 

Bulaksumur  paripurna. 


11.

Prof Dr Ichlasul Amal


Asmarandana


Ngancik jaman reformasi,

Tumandang Ichlasul Amal, 

Urun rembug regeng rame, 

Sesumbang marang negara, 

Tatanan murih prayoga, 

Orde lama orde baru,

Lumampah ingarah arah. 


Gumyak politik negari, 

Perkumpulan sarasehan, 

Supaya tumata sae, 

Selaras pejabat rakyat, 

Mula cancut taliwanda, 

Srana pemilihan umum, 

Suksesi Indonesia. 


12.

Prof Dr Sofian Effendy


Asmarandana


Ahli ing administrasi, 

Sofian Effendy mranata, 

Tata negara rinonce, 

Paprentahan tertib tenan, 

Pusat dumugi daerah, 

Binudi laras binangun, 

Masyarakat sejahtera. 


Padhang jingglang kanthi meling, 

Maring sagunging birokrat, 

Mrih efektif efisien, 

Kantor kagem pelayanan, 

Mupakate masyarakat, 

Tindak jujur subur makmur, 

Keemasan kejayaan. 


13.

Prof Ir Sudjarwadi


Asmarandana


Trus pinilih Sudjarwadi, 

Ayem ayom ing bebrayan, 

Sawang srawung kono kene, 

Gajah Mada kang kaloka, 

Unggah ungguh subasita, 

Kapribaden timur, 

Kabudayan nusantara. 


Prasaja wlaka binudi, 

Sung pitedah anak buah, 

Sabar drana cawe cawe, 

Wejangan saha wedharan, 

Ngulungake keh ganjaran, 

Grapyak sanak sumeh semu, 

Sesadone madu laras. 


14.

Prof Dr Pratikno


Pucung


Sambang sambung Prof  Pratikno lung tinulung, 

Mengku kautaman, 

Dosen tenndik wis nyawiji, 

Suka lila murih kamulyaning praja. 


Yen kadulu anteng meneng jroning kalbu, 

Mangun tyas sesama, 

Ngegungake pangaksami, 

Linambaran budi luhur kasampurnan. 


15.

Prof Dr Dwikorita Karnawati


Dhandhanggula


Rektor Dwikorita Karnawati, 

Wusnya mandhegani Gajah Mada, 

Sepi pamrih rame gawe, 

Darapon unggul kabul, 

Linambaran puji hastuti,

Gumarojog pakaryan, 

Sumaguh tinempuh, 

Jejering wanita tama, 

Temah mukti karana titen permati, 

Sembada kang sinedya. 


Wusnya mbahu dhendha nyakrawati, 

Mawa ber budi bawa laksana, 

Paramarta cak cakane, 

Ambeg adil satuhu, 

Amemayu hayuning bumi, 

Pangarsa binathara, 

Jinunjung sumuyut, 

Dosen tendik mahasiswa, 

Kang nyawiji bareng maju tunggal kapti, 

Terus terang gemilang. 


16.

Prof Dr Ir Panut Mulyono


Dhandhanggula


Titi wanci sigra amakarti,

Profesor Panut Mulyono mlampah, 

Jumangkah pasrah sumendhe, 

Kampung ing Bulaksumur, 

Mahasiswa lan mahasiswi, 

Pengajar gancar lancar, 

Lumaku sinau, 

Ngudi kecerdasan bangsa, 

Darma bakti sumungkem ibu pertiwi, 

Dadya jalma piguna. 


Mandhegani Perguruan Tinggi, 

Gadjah Mada tindak jenak penak, 

Seserepan ing Kebumen, 

Karanggayam sempulur, 

Sang Pujangga Sri Joko Tingkir, 

Jaman Karaton Pajang, 

Paring dhawuh tuduh, 

Gegebengan panguripan, 

Nitisruti serat Hanggawangsa niti, 

Bupati Arumbinang. 


17.

Prof Dr Ova Emilia. 


Sinom


Rektor Ova Emilia, 

Putri pelopor Srikandhi, 

Jangka jangkah pangawikan, 

Tandang karya mitayani, 

Tliti gemi nastiti, 

Sakeh babagan karembug, 

Gathuk mathuk kababar, 

Katitik asiling becik, 

Gajah Mada konjuk kagem jagad raya. 


Dhandhanggula


Purna njajah desa milangkori, 

Kampus anelasak wana wasa, 

Tumuruning jurang pereng, 

Munggah puncaking gunung, 

Sumpah palapa gita gati,

Mandhireng nusantara, 

Kawiryan pikantuk, 

Guna kaya kawibawan, 

Guru bakal guru dadi   emas picis, 

Warata saknegara. 



Purwadi, 

HP 087864404347

Alumni 

S1 Sastra Jawa UGM, 

S2 ilmu humaniora UGM, 

S3 Filsafat UGM

Komentar

Posting Komentar

Postingan populer dari blog ini

Babad GKR WANDANSARI

Gambar
 Babad  GKR WANDANSARI Reriptan: Purwadi 1. Dhandhanggula Gusti Kanjeng Ratu Wandansari,  Pangageng ing Sasana Wilapa,  Wiyosan siji Nopember,  Seket sanga kang tahun,  Panjang yuswa ambaling warsi,  Abdi dalem mahargya, Pamuji rahayu,  Lenggah agung binathara,  Wus lestari mbahu dhendha nyakrawati,  Karaton Surakarta.  Gusti Ratu Moertiyah marisi, Lekas luhur Kanjeng Sultan Pajang, Jaka Tingkir Mas Karebet,  Sumare aneng Butuh,  Nyata paring tepa palupi,  Trah Prabu Brawijaya,  Peputra Pembayun,  Dipati Handayaningrat,  Turun Pengging darah luhur tirta wening,  Ngejayeng tanah Jawa.  2. Pangkur Ambeg adil paramarta,  Myang ber budi bawa laksana yekti,  Tangguh tanggon paring dhawuh,  Amemayu bawana,  Gusti Ratu Wandansari amituhu,  Ing Lembaga Dewan Adat,  Wadhah suwita angabdi.  Pasrah Gusti Koes Moertiyah,  Seba sowan mring Ki Ageng Penjawi, Juru Mart...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya

Kidung Idul Fitri

Gambar
 Kidung Idul Fitri Perangan 1 Kupat Idul Fitri 2025 1. Dhandhanggula Konjuk dhateng Panjenengan sami, Kula Purwadi lan Sari Indah,  Dalah anak sedayane,  Adityo kang rumuhun,  Aryo Bimo kang nomer kalih,  Anindito ketiga,  Pareng unjuk atur,  Bagya mulya hari raya,  Idul fitri nyuwun gunging pangaksami,  Lahir batin sumarah. Sami eling dinten Senin Paing,  Telu siji Maret gya lumampah,  Tahun rong ewu selawe,  Mahargya wanci agung,  Manggih riyaya idul fitri,  Winastanan lebaran,  Suwara gumuruh, Ngumandhang ing awang awang,  Tahlil takbir tahmid tasbeh dikir,  Pasa Ramadhan purna.  2. Megatruh Minal aidin wal faidin umatur,  Pangapura lahir batin,  Bapak ibu para sepuh, Kangmas mbakyu adhik adhik,  Jawat asta amiraos.  Pulang kampung lumaksana turut lurung, Saking kutha hilir mudik,  Desa sejatine hulu,  Pralampita wong ngaurip,  Saguh momong momor momot. 3. Miji...
Baca selengkapnya