Pawon Gondorasan

 Pawon Gondorasan

1.

Dhandhanggula

Slasa Legi sigra murwakani, 

Tata cara pawon gondorasan, 

Jangkep genep ubarampe, 

Tanggal rolas Agustus, 

Tahun slawe abdi makarti, 

Lenggah saluku juga, 

Tur Ki Ageng Tarub, 

Kanjeng Gusti Ratu Wandansari niti,

Pusaka Kyai Dhudha. 

2.

Pangkur

Yasa pawon gondorasan, 

Abdi dalem sentana tandang kardi,

Anut tataning leluhur, 

Karaton Surakarta, 

Kayat kayun krana rahayu kayungyun, 

Loh jinawi gemah ripah, 

Pasir wukir panjang punjung. 

3.

Kinanthi

Paugeran Kyai Tarub, 

Pepundhene tanah Jawi, 

Kuwat drajat pangkat semat, 

Jiwa raga sarwa becik, 

Lebda ber bandhu ber bandha, 

Titis wasis samukawis. 

4.

Durma

Tedhak turun wayah Kyai Ageng Sela, 

Wutun sregep martani, 

Tanem tuwuh sawah, 

Alembah kathah mbruwah, 

Subur makmur jagung lan pari, 

Ngrembuyung pala, 

Ayem tentrem lestari. 

5.

Maskumambang

Wus lumaku jaman Kraton Majapahit, 

Demak Pajang lan Mataram, 

Kyai Dhudha kang wigati, 

Murih manggih karaharjan. 

Slasa Legi, 12 Agustus 2025.

Purwadi, 

Ketua Lokantara.