Babad Dr Sunarno Mantu

 Babad Dr Sunarno Mantu

1.

Dhandhanggula

Sanak kadang caos pangastuti, 

Mas Muhammad Rasyid Nur Khalifah, 

Sanga Agustus selawe, 

Wusnya tinata dhaup, 

Habibatul Unayah nenggih, 

Lestari palakrama,

Tansah guyub rukun, 

Brayat Bapak Abdurrahman, 

Bu Ayuni Pak Sunarno Bu Haryati,

Bagya mulya raharja.

2.

Pangkur

Gumarojog kanugrahan, 

Wus rinengga gangsa munya angrangin, 

Sanak kadang sami rawuh, 

Madiun Yogyakarta, 

Guyub rukun suka lila kayat kayun, 

Kawibawan kawidadan, 

Mbak Habibatul Mas Rasyid. 

3.

Kinanthi

Tamu maringi pangestu, 

Manten basuki lestari, 

Pawiwahan asri endah, 

Pasugatan mbanyu mili, 

Sedaya edi mirasa, 

Regeng gayeng merak ati. 

4.

Gambuh

Ayu hayu rahayu, 

Manten teguh tekad kuat bakuh, 

Bale wisma binangun kanthi permati, 

Jumbuh kang sami ginayuh, 

Kulawarga ayem ayom. 

5.

Pucung

Manten agung rejeki mulur ngrembuyung, 

Lir mimi mintuna, 

Gemah ripah loh jinawi,

Panjang punjung tata titi karta harja. 

Setu Pon, 

9 Agustus 2025,

Purwadi Sari