BABAD UMBUL SEWU

 BABAD UMBUL SEWU




1.

Mijil


Cahya ndadari sigra nelahi, 

Sumunar mencorong, 

Wolulas Juni tahun selawe, 

Mahargya Avi Meilawati,

Wanci Rebo Legi, 

Program doktor mungkur. 


2.

Maskumambang


Disertasi pamulangan basa Jawi, 

Leladi priyayi manca, 

Kabudayan edi peni, 

Ngrembaka arum kuncara. 


3.

Megatruh


Doktor Avi sampun udhu bahu suku, 

Njajah desa milangkori, 

Lumaku sajuru juru, 

Dumugi manca negari, 

Ponggok India Tiongkok. 


4.

Pucung


Kehing umbul jalaran dadi pinunjul, 

Ponggok mubal toya, 

Mbak Avi Meilawati, 

Wus kepranan Pucung Sanggrahan Prambanan. 


5.

Gambuh


Ingaran tanggap tangguh, 

Wus tinempuh pasinaon ampuh, 

Mitayani Mbak Avi Meilawati, 

Departemen Jawa maju, 

FBSB gya kesohor. 


6.

Pangkur


Dosen tendik mahasiswa, 

Avi Meilawati sung palupi, 

Rikat trengginas satuhu, 

Mrantasi kehing karya, 

Mesthi rampung kadang mitra anyengkuyung, 

Micara wasis miraga, 

Gumyak sigrak lan semanak. 


7.

Kinanthi


UNY minangka kampus, 

Nggulawenthah para murid, 

Saindhenging nuswantara, 

Mbak Avi wis nyembadani, 

Mrih gancararing pawiyatan, 

Psngesthi wohing pambudi. 


8.

Asmarandana


Jejeripun sekretaris, 

Departemen Basa Jawa, 

Prof Afendy pangarsane, 

Tendik dosen sedaya, 

Atur pambagya raharja, 

Ibu Avi sampun lulus, 

Tata cara pendadaran. 


9.

Durma


Regeng gayeng keplok kang imbal imbalan, 

Avi Meilawati, 

Program doktor tamat, 

Sanyata jalma lumpat, 

Gembira bapak ibu siwi, 

Wus paripurna, 

Mardeka trus lumaris. 


10.

Sinom


Tanah Klaten suka rena, 

Sumberpucung amaringi, 

Sanggrahan paring kabagyan, 

Prambanan sung pangastuti, 

Mrih basuki lestari, 

Widada hayu rahayu, 

Wibawa wicaksana, 

Mbak Avi Meilawati, 

Widyatama pawiyatan lumaksana. 


11.

Dhandhanggula


Pendadaran kinarya memanis, 

Manuhara ngumandhang gembira, 

Pindha melathi rinonce, 

Ngambar aganda arum, 

Ilir ilir jagad sakalir, 

Karangmalang gumilang, 

Mathuk sarwa gathuk, 

Penggalih lila legawa, 

Amarsudi Mbak Avi Meilawati, 

Wusnya mbabar tumangkar.


KABUPATEN KLATEN


Purwadi, 

FBSB UNY


Adipati Kusuma Nagara


I

Dhandhanggula


1.

Jeng Kusuma Nagara Dipati, 

Winisuda minangka pangarsa, 

Ngesuhi wilayah Klaten, 

Duta Kanjeng Sinuwun, 

Surakarta Sri Narapati, 

Patih Sasradiningrat, 

Sigra paring dhawuh, 

Demang wedana sentana, 

Sagung mantri bupati sung pangastuti, 

Darma bakti mring praja. 


2.

Gantiwarna Prambanan winarni, 

Manisrengga Ngawen Karangnangka

Kemalang dumugi Ceper, 

Kebonarum Delanggu, 

Bayat Cawas lajeng Jumiring, 

Jatinom Jogonalan, 

Karangdawa Tulung, 

Kalikotes Polanharja, 

Wonosari Karanganom Trucuk Wedhi, 

Tlatah Klaten raharja. 


3.

Umbul bintik kinclong kinclong bening, 

Umbul Pluneng tuk sumbering sawah, 

ilining Umbul Gedaren, 

Umbul ing Cakra Tulung, 

Umbul Ponggok wedaling warih, 

Toya umbul Susuhan, 

Umbul Geneng mancur, 

Umbul Brondong tadhah toya, 

Umbul Janti mikolehi kadang tani, 

Subur makmur tanduran. 


4.

Pawiyatan kangge gladhen seni, 

Nama Sanggar Bandung Bandawasa, 

Kagunan sarwa rinonce, 

Budaya adi luhung, 

Mbudidaya mrih edi peni, 

Beksan lan karawitan, 

Garap tembang lagu,

Kethoprak kinarya sigrak, 

Pedhalangan laras madya den persudi,

Mrih ngrembaka kuncara. 


5

Winisuda priyayi pinilih,

Tumenggung Jeng Kusuma Nagara, 

Minangka bupati Klaten, 

Dene sengkalanipun, 

Karya lila madyaning  bumi, 

Sunan Paku Buwana, 

Ingkang Kaping Catur, 

Narendra gung Surakarta, 

Wolu likur sasi Juli ingkang warsi, 

Wolulas kosong papat. 


II. 

Mijil


1.

Gliyak gliyak jumangkah makarti,

Nadyan repot abot,

Tetep sepi pamrih rame gawe, 

Sengkut ngayahi pakaryan nagri, 

Klaten gya mangesthi, 

Suka subur makmur.


2.

Kali Dengkeng mbrebes ingkang warih, 

Mili gumarojog, 

Tumuju ngidul wiwit saking ler, 

Kaliwara tuk gunung Merapi, 

Amrih loh jinawi, 

Subur kang tinandur. 


III. 

Gambuh


1.

Sowan ing Palar Trucuk, 

Amrih gathuk wawasaning mathuk, 

Ki Pujangga Ranggawarsita peparing, 

Ngelmu laku barang kawruh, 

Kanthi manunggal gumolong. 


2.

Sunan Tembayat tuhu,

Pandhanarang jejeripun guru, 

Tata titi tatag tutug tatas titis, 

Saking Semarang pinunjul, 

Sepuh wutuh tanggap tanggon.


IV. 

Pangkur


1.

Candi Prambanan Plaosan, 

Dadi srana lelaku mesu budi, 

Manjur warisan leluhur, 

Pangolahing surasa,

Jroning kalbu ngening cipta amituhu, 

Wewarahing kapitayan, 

Kasampurnan sepuh jati.


2.

Kartasura Surakarta, 

Demak Pajang Mataram Majapahit, 

Daha Jenggala Panjalu, 

Negari Kahuripan, 

Singosari Medhang mula Kraton agung, 

Tiyang Klaten angengeti, 

Kinarya tepa palupi.


V. 

Pucung


1.

Banyu umbul ing Cakra pancen pinunjul,

Mili tegal sawah, 

Sandhang papan papan sugih, 

Klaten gregah sinar terang maju jangkah. 


2.

Dwija luhur Ki Ageng Gribig misuwur, 

Sekti mandraguna, 

Ya Kowiyu puja puji, 

Panuwunan donga kabul kasembadan. 


VI. 

Kinanthi


1.

Pakasa sigra lumaku, 

Saraya dadi sesanti,

Setya rampung barang karya, 

Rumeksa budaya adi, 

Sesanggeman kautaman, 

Klaten Bersinar abadi. 


2.

Papan eca dhahar ngunjuk, 

Kabisan masake becik, 

Lenggah jenak raos enak, 

Pinenggalih kraos gurih, 

Klaten bersinar sumebar, 

Krana sugih jagung pari. 


VII. 

Asmarandana


1.

Bulu bekti tandang kardi, 

Saking Kraton Surakarta, 

Amrantasi gawa gawe, 

Sami nunggal pasuwitan, 

Ngudi endahing bebrayan, 

Paugeran tata praja, 

Sambang sambung sawang srawung, 

Asung ngusung lelabuhan.


2.

Kasusastran tata tulis, 

Reriptan dwija pujangga, 

Waosan sareh pikoleh, 

Kabisan sarta kawignyan, 

Pamulangan pawiyatan, 

Kawruh gati wulang wuruk,

Piguna tumraping gesang.


VIII. 

Durma 


1.

Pedhalangan karawitan trus ngumandhang, 

Baut jogeding tari, 

Klaten dhasar kondhang, 

Trampil pinter kagunan, 

Nusantara dipun renggani, 

Budaya endah, 

Lamun sinawang asri. 


2.

Datan wegah jumangkah kaarah arah, 

Rampung sabarang kardi,

Macul tegal sawah, 

Dedagang ana pasar, 

Angon menda kebo lan sapi, 

Anggelar klasa,

Klaten gemi nastiti. 


IX. 

Megatruh


1

Asah asuh asihing para sesepuh, 

Sunan Pandhanaran Yogi, 

Bupati Semarang mungkur, 

Mastuti ngelmu sejati, 

Sinten ndherek gya kewahyon. 


2.

Wiwit kuncung wancine dumugi gelung, 

Ngupadi sangune urip, 

Sedulur tambah sempulur, 

Klaten panen marga ngudi, 

Panjangka kabeh kelakon. 


X. 

Maskumambang

1.

Jatinom pertapan Kyai Ageng Gribig, 

Apem kinarya grebegan, 

Kapitayan kang mberkahi, 

Tanah subur jiwa sabar. 


2.

Priyayi agung anut larasing gendhing, 

Wiraga jumbuh wirama, 

Waranggana lan pengrawit, 

Dhalang Klaten nyata kondhang. 


XI. 

Sinom

1.

Sregep ndherek upacara, 

Pakasa Klaten sesanti, 

Sabarang dhawuh ngendika,

Dadi puji pangastuti, 

Saraya setya yekti, 

Rumeksa budaya tugu, 

Kraton Surakarta, 

Mangka punjer tanah Jawi, 

Trus sumunar mencar soroting kawentar. 


2.

Klaten bumi kanugrahan, 

Perenging gunung Merapi, 

Kali Dengkeng Kaliwara, 

Candi Prambanan Plaosan, 

Leluhur asung pamuji, 

Jangka jangkah lestari, 

Lelumban ing Cakra Tulung, 

Jalma titah sawantah, 

Amung saderma nglakoni, 

Kasembadan kawibawan kawidadan.



Tenun Lurik Tlingsing


1.

Dhandhanggula


Mangayu bagya Doktor Ismadi, 

Dosen FBSB  Karangmalang, 

Miyos saking tlatah Klaten, 

Tanggale telung puluh, 

Wulan Juni slawe kang warsi, 

Promosi pendadaran, 

Wusnya tamat lulus, 

UNNES papan perguruan, 

Disertasi tenun lurik edi peni, 

Ngumandhang ing Semarang. 


2.

Miji


Universitas Semarang Nagri, 

Ngesti program doktor,

Fakultas Bahasa Seni mangke, 

Wus sumandhing garap tenun lurik. 

Amrih eksistensi, 

Cawas Klaten tuhu. 


3.

Pangkur


Sistem pranata sosial, 

Tenun lurik Tlingsing rumeksa becik, 

Myang budaya adi luhung, 

Minangka pralampita, 

Agung luhur subur makmur gya sempulur, 

Saindhenging jagad raya, 

Misuwur ibu pertiwi. 


4.

Kinanthi


Pendadaran promovendus, 

Doktor Abdullah Prijadi,

Pak Prof Tommi Yuniawan, 

Prof Soesanto Doktor Syakir, 

Dok Eko Haryanto miwah, 

Profesor Tjetjep Rohendi. 


5.

Asmarandana


Doktor Ismadi makarti, 

Tenun lurik Tlingsing Cawas, 

Kanthi tlaten Klaten panen, 

Ngupakara kerajinan, 

Ekonomi kerakyatan, 

Pakaryan sigra binangun,

Bebrayan patut tinata. 


6.

Maskambang


Kampus Sekaran Semarang Gunung Pati, 

Dadi srana pendadaran, 

Penulisan disertasi, 

Ismadi purna wiyata.


7.

Megatruh


Kebak purun pengembangan kain tenun, 

Winastanan lurik Tlingsing, 

Gagrak Cawas wus misuwur, 

Dumugi manca negari, 

Eksistensi Klaten trus mencorong. 


8.

Sinom


Panguripan boga wastra, 

Wisma waras marga wasis, 

Kanugrahan kacukupan, 

Kerajinan tenun lurik, 

Sakehing warga Tlingsing, 

Cawas Klaten gya lumaku, 

Sumebar nusantara, 

Tumangkaring ekonomi, 

Budidaya Ismadi karya ngrembaka, 


9.

Durma


Greget gregah jangka jangkah megah mewah, 

Inovasi kreasi, 

Tradisi sanyata, 

Pranata ing sosial, 

Ngarah undhaking ekonomi, 

Uripe rakyat, 

Gunane tenun lurik. 


10.

Pucung


Kedah wantun tradisi turun temurun, 

Gagrak pewarisan, 

Kreasi lan inovasi, 

Bebarengan langkah jangkah kemajuan. 


11.

Gambuh


Tandang sengkut gumregut, 

Bandha bandhu inten mas jumerut, 

Tenun lurik ketitik lumaris becik, 

Doktor Ismadi andulu, 

Tlingsing Cawas Klaten cocok. 



Jumat Paing 4 2025,

Purwadi, 

FBSB UNY

Komentar

Posting Komentar

Postingan populer dari blog ini

Babad GKR WANDANSARI

Gambar
 Babad  GKR WANDANSARI Reriptan: Purwadi 1. Dhandhanggula Gusti Kanjeng Ratu Wandansari,  Pangageng ing Sasana Wilapa,  Wiyosan siji Nopember,  Seket sanga kang tahun,  Panjang yuswa ambaling warsi,  Abdi dalem mahargya, Pamuji rahayu,  Lenggah agung binathara,  Wus lestari mbahu dhendha nyakrawati,  Karaton Surakarta.  Gusti Ratu Moertiyah marisi, Lekas luhur Kanjeng Sultan Pajang, Jaka Tingkir Mas Karebet,  Sumare aneng Butuh,  Nyata paring tepa palupi,  Trah Prabu Brawijaya,  Peputra Pembayun,  Dipati Handayaningrat,  Turun Pengging darah luhur tirta wening,  Ngejayeng tanah Jawa.  2. Pangkur Ambeg adil paramarta,  Myang ber budi bawa laksana yekti,  Tangguh tanggon paring dhawuh,  Amemayu bawana,  Gusti Ratu Wandansari amituhu,  Ing Lembaga Dewan Adat,  Wadhah suwita angabdi.  Pasrah Gusti Koes Moertiyah,  Seba sowan mring Ki Ageng Penjawi, Juru Mart...
Baca selengkapnya

Adipati Dayaningrat Pengging Sepuh

Gambar
Adipati Dayaningrat Pengging Sepuh Dr Purwadi, Ketua Lokantara,  HP 087864404347 A. Trah Pengging Kegiatan nyadran berlangsung pada hari Minggu Kliwon, tanggal 2 Pebruari 2025. Bertempat di makam Sri Makurung Handayaningrat di dusun Dukuh desa Malangan kecamatan Banyudono kabupaten Boyolali. Adipati Dayaningrat adalah Bupati Pengging yang terkenal sakti mandraguna.  Kejayaan Majapahit terus berlanjut. Semangat Prabu Brawijaya dalam membangun peradaban diwariskan oleh Ratu Pembayun. Putri sulung Prabu Brawijaya menikah dengan Adipati Sri Makurung Handayaningrat. Jasa Bupati Pengging ini diperingati oleh warga Pakasa, Paguyuban Karaton Surakarta Hadiningrat. Berlangsung pada hari Senin, 18 Juni 2023. Dipimpin oleh Dr KPH Wirabhumi SH, ketua Pakasa. Berkenan memberi sambutan pangageng Sasana Wilapa, Dra GKR Wandansari M.Pd. Turut menyertai GKR Ayu Koes Indriyah. Abdi dalem dan sentana ndherek wilujengan. Wit kepoh merupakan pohon tinggi. Berada di sebelah makam Sri Makurung Handa...
Baca selengkapnya

Kidung Idul Fitri

Gambar
 Kidung Idul Fitri Perangan 1 Kupat Idul Fitri 2025 1. Dhandhanggula Konjuk dhateng Panjenengan sami, Kula Purwadi lan Sari Indah,  Dalah anak sedayane,  Adityo kang rumuhun,  Aryo Bimo kang nomer kalih,  Anindito ketiga,  Pareng unjuk atur,  Bagya mulya hari raya,  Idul fitri nyuwun gunging pangaksami,  Lahir batin sumarah. Sami eling dinten Senin Paing,  Telu siji Maret gya lumampah,  Tahun rong ewu selawe,  Mahargya wanci agung,  Manggih riyaya idul fitri,  Winastanan lebaran,  Suwara gumuruh, Ngumandhang ing awang awang,  Tahlil takbir tahmid tasbeh dikir,  Pasa Ramadhan purna.  2. Megatruh Minal aidin wal faidin umatur,  Pangapura lahir batin,  Bapak ibu para sepuh, Kangmas mbakyu adhik adhik,  Jawat asta amiraos.  Pulang kampung lumaksana turut lurung, Saking kutha hilir mudik,  Desa sejatine hulu,  Pralampita wong ngaurip,  Saguh momong momor momot. 3. Miji...
Baca selengkapnya