Tahun Baru Kampus UNY

 Tahun Baru Kampus UNY

1.

Dhandhanggula

Gambireng tyas sigra mandhegani, 

Pak Rektor mahargya warsa enggal, 

Tahun rong ewu selawe, 

Wondene wulanipun, 

Januari tanggale siji, 

Mangka dadya pertandha,

Maju tambah umur, 

Lembaga gya sejahtera, 

Sinengkalan gati asta trus panganti, 

UNY Karangmalang. 

2.

Sinom

Pendidikan gagrak anyar, 

Mawi bantu teknologi, 

Kampus Ungu tambah megah, 

Mahasiswa dosen tendik,

Pak Rektor mangka tindhih,  

Tliti gemi gaman gumun, 

Kapyarsa kulak warta, 

Warna warni informasi, 

Garap lokal nasional nganti global. 

3.

Durma

Mahasiswa Greget gregah ngarah arah, 

Gagas petung permati, 

Linambar wawasan, 

Widyatama kawignyan, 

Cipta landhep pikiran lantip, 

Pak Rektor mejang, 

Dosen tendik ngrojongi. 

4.

Megatruh

Tahun baru bareng maju kang tinuju, 

UNY wus pacak baris, 

Kraton kampus kantor kampung, 

Tradisi lokal nyawiji, 

Lakon kinarya pangilon. 

5.

Mijil

Kampus Ungu nut lampahing warsi,

Ndherek mring Pak Rektor,  

Dosen tendik mujur jejer moncer, 

Tuna santak bathi sanak yekti, 

Bayar saben sasi, 

Jumbuh kang ginayuh. 

6.

Asmarandana

Tahun selawe puniki, 

Cathetan mawa petungan, 

Raga berag jiwa bares, 

Pak Rektor warah tri dharma, 

Pendidikan pengabdian, 

Panaliten sagah saguh, 

Gaji gancar remun lancar. 

7.

Pangkur

Warsa enggal gya tumingal, 

Tatas rantas rancang garap pakarti, 

Pak Rektor mawas pandulu, 

Pendidik masyarakat, 

Wus kinebut tandang tanpa sambat sebut, 

Dosen tendik kasembadan, 

Temah gelis nemu manis. 

8.

Pucung

Mesem guyu dosen tendik tahun baru, 

Pak Rektor pinarcaya, 

Pangarsa kang ambal kalih, 

Kebijakan sarana andum kabagyan. 

9.

Gambuh

Ketemu tahun baru, 

Mahasiswa lulus tepat waktu, 

Pengajaran sigrak jenak merak ati, 

Masyarakat seneng untung, 

UNY kampus berbobot. 

10.

Maskumambang

Keplok alok sarjana patitis wasis, 

Pendidikan Karangmalang, 

Mimbuhi karakter becik, 

Labuh labet marang praja. 

11.

Kinanthi

Saben gumantine tahun, 

Pak Rektor trus nyembadani, 

Usulan jabatan pangkat, 

Kesdu bantu lanjut studi, 

UNY tumandang karya, 

Ayem tentrem lahir batin. 

Rebo Pon

1 Januari 2025,

Purwadi, 

FBSB UNY