Macapat Sumpah Pemuda

 Macapat 
Sumpah Pemuda

Purwadi, 
FBSB UNY


1.

Sinom


Pengetan Sumpah Pemuda, 

Pak Rektor gya mandhegani, 

Ing UNY Karangmalang, 

Dosen tendik pacak baris, 

Upacara lumaris, 

Mahasiswa wus gumregut, 

Rumeksa kebangsaan, 

Sumungkem ibu pertiwi, 

Tanah air tunggal bangsa tunggal basa. 


Sabang Merauke nunggal, 

Prasetyane muda mudi, 

Winastan sumpah pemuda, 

Tumpah darah tanah air, 

Nusantara nyawiji, 

Sedyane bangsa bersatu, 

Bahasa persatuan, 

Minangka sambung piranti, 

Kesatuan kebangsaan kerakyatan. 


Mersudi tekad semangat, 

Gumregah warga negari, 

Sumpah pemuda ngumandhang, 

Mawa jiwa patriotis, 

Rasa nasionalis, 

Wiwit tahun wolu likur, 

Nuju Oktober wulan, 

Tanggal wolu likur yekti, 

Nusantara tunggal cipta rasa karsa. 


2.

Mijil


Sumpah pemuda dipun pengeti,

Prastawa wigatos, 

Indonesia tekade gedhe,

Tanah air bangsa kang manunggil,

Bahasa nyawiji,

Nusantara arum. 


Muda mudi nusantara milih, 

Perjuangan cocok, 

Rikala wolu likur Oktober, 

Sangalas wolu likur kang warsi, 

Prasetya prayogi, 

Kebangsaan kukuh.


3.

Pangkur


Jong Sumatra Jong Madura, 

Jong Selebes Borneo Java Bali, 

Sampun purun guyub rukun, 

Ucap sumpah pemuda, 

Wus misuwur dadi perjanjian luhur, 

Manunggaling nusantara, 

Tanah bangsa basa siji. 


Persatuan kesatuan, 

Nusantara tanah air nyawiji, 

Tunggal bangsa kang bersatu, 

Nganggo piranti basa, 

Murih arum Indonesia sadarum, 

Sung wahana kamardikan, 

Lestari bagya widada.


4.

Kinanthi


Pemuda sami anggayuh, 

Dadi siji tanah air, 

Rasa tunggal kebangsaan, 

Basa kinarya piranti, 

Indonesia manunggal, 

Jiwa raga lahir batin.


Nedheng tanggal wolu likur, 

Nuju Oktober kang sasi, 

Wolu likur duking warsa, 

Sumpah pemuda puniki, 

Tunggal tanah bangsa basa, 

Ngumandhang nganti sakmangkin.


5.

Gambuh


Sumpah pemuda laju, 

Tanah bangsa basa wis bersatu, 

Muda mudi trus jumangkah mandhegani, 

Ngudi gegayuhan agung, 

Nusantara gya sumorot. 


Gerak langkah misuwur,

Yogya urun uwur mulya luhur, 

Sarwa sarwi ngati ati kang permati,

Maju terus pantang mundur, 

Rinengga karep berbobot.


6.

Pucung


Tekad maju sumpah pemuda lumaku, 

Pawitane bangsa, 

Amrih kamardikan nagri,

Nusantara tetep manunggal sentosa. 


Bahu suku sinartan antebing kalbu, 

Ing sumpah pemuda, 

Basa bangsa tanah air, 

Persatuan linambaran kebangsaan. 


Siswa weruh guru medhar kehing kawruh,

Ajaran sejarah, 

Ingajab bisa mangerti, 

Pancasila dadi dhasare negara. 


7.

Dhandhanggula


Sugondo Djojopuspito wasis,

Dadya pangarsa sumpah pemuda, 

Djoko Marsaid wakile,

Muhammad Yamin iku, 

Sekretaris organisasi, 

Bung Amir Bendahara, 

Johan Mahmud mbantu, 

Sendhoek Katja Soengkana, 

Leimena Mohammad Suud Rochani,

Pelopor para muda. 


Pelajaran kagem siswa siswi, 

Sadar tata praja kebangsaan, 

Sepi pamrih rame gawe, 

Perjuangan satuhu,

Labuh labet ibu pertiwi,

Angudi kamardikan, 

Udhu bahu suku, 

Gugusan winor gagasan, 

Kang den esthi murih basuki lestari. 

Sagung warga negara.


8.

Asmarandana


Maca sejarah kawuri,

Pergerakan nasional, 

Budi Utomo wiwite, 

Peguruan Muhammadyah, 

Pawiyatan Taman Siswa, 

Sumpah pemuda rumuhun,

Tumuju ing kamardikan. 


Saben warsa amengeti, 

Lahire sumpah pemuda, 

Kanthi sigrak gumyak rame, 

Winastan bulan bahasa, 

Saindhenging nusantara, 

Perlombaan mathuk gathuk,

Gumregeting pawiyatan. 


9.

Megatruh


Sigra mumbul ahli bahasa pinunjul,

Bale Bahasa miwiti,

Sumusul Pujangga Baru, 

Pangripta novel puisi, 

Pengarang kondhang kesohor. 


Sigra luhung sumpah pemuda ngrembuyung, 

Tumangkar kang literasi, 

Kesadaran yasa buku, 

Kinarya pangeling eling, 

Kawruh baku trus mencorong.


10.

Maskumambang


Sumpah pemuda sayekti handayani, 

Pergerakan nasional, 

Uga sarjana winasis, 

Pawitane kamardikan. 


Tokoh pergerakan nasional aris, 

Gelis manis manah laras, 

Lurus leres titis laris, 

Lumampah anut wirama. 


11.

Durma


Jangkah genah prasetya mangarah arah, 

Sumpah pemuda nuli, 

Gumelar tumangkar, 

Pergerakan nasional, 

Gita gita laju lumaris, 

Tahun pat lima, 

Dumugi proklamasi. 


Pra pelajar jajar jajar gancar lancar, 

Pawiyatan winasis, 

Tanah bangsa basa, 

Nyata janji utama, 

Mungguh budi pekerti becik, 

Sumpah pemuda, 

Dadya piwulang murid.


Karangmalang, 28 Oktober 2024

Komentar

Posting Komentar

Postingan populer dari blog ini

Asal Usul Leluhur Prabowo Subianto

Gambar
  Asal Usul Leluhur Prabowo Subianto Purwadi,  Ketua Lokantara.  HP 087864404347 I. Keturunan Majapahit.  Prabu Brawijaya raja Majapahit memang pemimpin yang bijak bestari. Membawa kemakmuran, kejayaan dan keemasan bagi sekalian negeri. Rakyat sejahtera lahir batin. Murah sandang pangan papan.  Leluhur Prabowo Subianto ini memang narendra gung binathara mbahu dhendha nyakrawati, ber budi bawa laksana, ambeg adil paramarta, memayu hayuning bawana.  Wajar sekali jiwa kepemimpinan Prabowo ibarat satriya piningit. Pemimpin yang ditunggu tunggu rakyat. Munculnya satriya piningit terjawab saat Prabowo Subianto terpilih menjadi Presiden. Pemilihan umum tanggal 14 Pebruari 2024 berjalan lancar. Rakyat memberi dukungan berlimpah ruah.  Majapahit kerajaan yang agung dan anggun. Tampil sebagai pemimpin notonagoro. Artinya Prabowo Subianto menjalankan dhawuh leluhur. Agar mau mengabdi kepada bangsa dan negara. Lila lan legawa kanggo mulyaning negara.  Notonag...
Baca selengkapnya

SUGENG RIYADI IDUL FITRI.

Gambar
  SUGENG RIYADI IDUL FITRI.  Purwadi, Sari Indah Setiani, Adityo Jatmiko, Aryo Bimo Setiyanto, Anindito Wisnu Prasetyo.  1. Dhandhanggula Idul Fitri.  Sugeng hari raya Idul Fitri,  Wonten ngarsanipun Panjenengan,  Konjuk sesepuh pepundhen,  Kangmas adhik lan mbakyu,  Purwadi Sari nyuwun idi,  Adityo Bimo pasrah,  Anindito matur,  Ulat patrap lan pangucap,  Kirang utami luberna welas asih,  Dhateng kula sakbrayat.  Pareng nyuwun gunging pangaksami,  Awit saking kehing kalepatan,  Ingkang alit saha gedhe,  Jroning sambung lan srawung,  Muna muni kirang prayogi,  Anungkak tata krama,  Tilar unggah ungguh,  Sopan santun suba sita,  Pasrah dhiri mumpung hari Idul Fitri,  Kula trimah nglenggana.  Idul Fitri purna wulan suci,  Takbir tahlil tahmid gya ngumandhang,  Wiwit surupe srengenge, Siyang dalu amunjuk,  Suka sukur marang ilahi,  Sholat Id wanci enja...
Baca selengkapnya

Macapat Mahargya Dr Sudarmaji M.Pd.

Gambar
  Macapat Mahargya Dr Sudarmaji M.Pd. 1. Dhandhanggula Sudarmaji Pahargyan kagem Pak Sudarmaji,  Sampun purna nempuh pendidikan,  Mangka kanugrahan gedhe,  Tanggale pitu likur,  Telu likur Desember sasi,  Sajroning pawiyatan,  FBSB ndulu,  UNY lumampah lancar,  Tata tatas titis ujian promosi,  Gelar Doktor kesandhang.  2. Pangkur Sudarmaji Rektor dosen tendik dekan,  Sami atur pambagya pangastuti,  Suka tandha  anyengkuyung,  Sarana jawat asta, Luru ilmu kanthi gemblenge panemu,  Tekat kuwat lan semangat,  Patuladhan Sudarmaji.  3. Gambuh Sudarmaji Saguh nempuh sinau,  Sudarmaji mbangun turut guru,  Nalikane lagi nulis disertasi,  Anuhoni promovendus,  Bimbingan para promotor.  4. Kinanthi Sudarmaji Promotor sing sepuh tangguh,  Asma Profesor Sugirin,  Pratomo Widodo nyata,  Guru Besar kang pinilih,  Ko promotor sabar drana,  Mulang muruk siyang rat...
Baca selengkapnya