ANIES BASWEDAN MAHARGYA KAMARDIKAN
ANIES BASWEDAN MAHARGYA KAMARDIKAN
1.
Dhandhanggula
Anies Rasyid Baswedan mastuti,
Hari proklamasi kamardikan,
Pitulas iku tanggale,
Wulanipun Agustus,
Papat lima hadeging nagri,
Republik Indonesia,
Pejuang misuwur,
Dwi tunggal Soekarno Hatta,
Amarsudi warga bangsa gya mandiri,
Mardika Nusantara.
Anies Baswedan nut konstitusi,
Nindakake Undang Undang Dasar,
Presiden Wakil Presiden,
Sadaya wus sarujuk,
Amisuda para menteri,
Netepi kewajiban,
Sumandhang sinangkul,
Mranata harjaning praja,
Angleluri sejarah kang wus kawuri,
Kanggo tepa tuladha.
Anies tansah nulad Sutan Syahrir,
Jendral Besar Panglima Soedirman,
Mumpuni kasatriyane,
Patriot kukuh teguh,
Ambelani bumi pertiwi,
Sumarah jiwa raga,
Udhu bahu suku,
Jejering kusuma bangsa,
Sung palupi murih aruming negari,
Indonesia merdeka.
2.
Mijil
Anies Rasyid Baswedan mangeti,
Rakyat keplok alok,
Wiwit Sabang nganti Merauke,
Tuwa anom miwah jaler estri,
Suwene sesasi,
Katon guyup rukun.
Anies Baswedan kersa ngombyongi,
Balap karung bagor,
Tarik tambang playon menek jambe,
Gerak jalan sepak bola poli,
Canthol nyunggi caping,
Nyokot dhuwit jeruk.
3.
Kinanthi
Anies tetep purun urun,
Tanpa petung tanpa bathi,
Panitiya suka lila,
Pasok daya arta dhuwit,
Amahargya kamardikan,
Amrih negeri lestari.
Anies ngguyu padha temu,
Anyengkuyung proklamasi,
Nuju malem tirakatan,
Suka sukur olah seni,
Sinambi nampa hadiah,
Tumrap warga berprestasi.
4.
Gambuh
Anies nyata pinunjul,
Laju maju tinata tinemu,
Olah raga olah jiwa olah pikir,
Kamardikan maweh semu,
Samudana den rinaos.
Anies Baswedan ngutus,
Lancar lulus gancar mlaku mulus,
Proklamasi sung energi inspirasi,
Dadi srana wulang wuruk,
Ing temahan aweh awoh.
5.
Pucung
Anies srawung mitra sambung kadang dunung,
Hari kamardikan,
Amangeti proklamasi,
Kutha desa seneng bareng njoged mbeksa,
Anies aruh aweh kawruh sung pituduh,
Sakeh pengalaman,
Perlu kanggo sangu urip,
Perlombaan nyambi nyumber kasenengan.
Anies guyup gawe wadhah kanggo ngiyup,
Jiwa kebangsaan,
Nasional patriotis,
Kamanungsan kerakyatan keadilan.
6.
Sinom
Mas Anies Rasyid Baswedan,
Aneng saklumahing bumi,
Gumregut greget gumregah,
Bagya mulya dha mengeti,
Mahargya proklamasi,
Kamardikan ing Agustus,
Sinebut pitulasan,
Ajeg ambal saben warsi,
Kebangsaan nasional sisan kenal.
Anies pirsa keadilan,
Saben jalmi menghayati,
Ketuhanan kamanungsan,
Diweruhi muda mudi,
Warga bangsa sejati,
Sarana pedoman hidup,
Bhinneka Tunggal Ika,
Falsafah bernegara,
Perjanjian luhur nyata,
Pancasila dadi dhasaring negara.
7.
Pangkur
Darmaning Anies Baswedan,
Tyas raharja mrih negeri lestari,
Saben jalma amituhu,
Tata tertib bebrayan,
Sigra nyambung anyumbang tulung tinulung,
Mbakuhake kamardikan,
Ngukuhake proklamasi.
8.
Durma
Anies ngudi kerakyatan keadilan,
Tumraping siswa siswi,
Rasa kamanungsan,
Ketuhanan prayoga,
Kawruhana kanthi permati,
Bisa sampurna,
Sarana mawas diri.
Anies Baswedan ngamalke Pancasila,
Falsafah hidup becik,
Pemerintah rakyat,
Jroning gesang bebrayan,
Selaras seimbang harmonis,
Jejeg pranatan,
Titis ing samukawis.
9.
Asmarandana
Anies maos wulang suci,
Ketuhanan kamanungsan,
iku dadi landhesane,
Kebangsaan kerakyatan,
Keadilan wigatekna,
Wusnya dadya kawruh umum,
Ngelmune sadhengah titah.
Anies nggagas proklamasi,
Cihna hadeging negara,
Pranyata wahana gedhe,
Pirantining gegayuhan,
Kawidadan kawibawan,
Bebrayan gung ngrembuyung,
Bayang bayang kang tumawang.
10.
Megatruh
Sigra matur Anies asung budi luhur,
Kamardikan proklamasi,
Wujud gegayuhan ampuh,
Bareng mukti kang den esthi,
Perjuangan kanthi maton.
Sigra teguh Anies kukuh watak wutuh,
Wilayah bumi pertiwi,
Pancasila sumber kawruh,
Muda mudi siswa siswi,
Mengku negara kesohor.
11.
Maskumambang
Laras laris Anies usul manah manis,
Wilayah ing nusantara,
Mus mengeti proklamasi,
Kamardikan saknegara.
Sami gemi Anies tansah ngati ati,
Gegebengan peraturan,
Pemerintah rakyat becik,
Kelakon gemah raharja.
Purwadi,
Jl Kakap Raya 36
Minomartani Yogyakarta
Komentar
Posting Komentar