Babad Fatkur Rohman Nur Awalin

 

 Babad Fatkur Rohman Nur Awalin

Purwadi

1.

Dhandhanggula

Nama Fatkur Rohman Nur Awalin, 

Nembe nggarap uji pawiyatan, 

Angrembug pikiran gedhe, 

Islam Jawa anyakup, 

Serat Iman Sujana becik,

Promosi pendadaran, 

UIN Tulungagung, 

Sayyid Ali Rahmatullah, 

Rong ewu pat likur ing rong puluh Juni, 

Doktor sampun sumandhang.

2.

Gambuh

Teken tekun sinau, 

Laju maju lumaku sajuru juru, 

Amarsudi Fatkur Rohman Nur Awalin, 

Sigra anjangkah anggayuh, 

Ngampungake program doktor.

3.

Pucung

Kanggo sangu linambaran kawruh ilmu, 

FBSB Jawa, 

UNY sami ngombyongi, 

Fatkur Rohman Nur Awalin bagya mulya. 

4.

Kinanthi

Enggal bali mulang muruk 

Nggulawenthah siswa siswi, 

Aneng kampus Karangmalang, 

Murih gelis wasis titis, 

Nyengkuyung Mas Fatkur Rohman, 

Bebarengan amakarti. 

5.

Mijil

Tanggal pitu sasi Maret iki, 

Titi wanci klakon, 

Siji sanga wolu sanga warsi, 

Awalin wus lahir, 

Penget ulang tahun. 

6.

Pangkur

Fatkur Rohman gya gumregah, 

Saya sengkut gumregut ngesti ilmi, 

Kabupaten Tulungagung, 

Papan tiyang sepah, 

Sung jumurung dadi jalma kang linuhung, 

Marang kitab serat kina, 

Pemikiran Islam Jawi.

7.

Sinom

Ing serat Iman Sujana, 

Wewarah maneka warni, 

Mbabar wulangan wedharan, 

Unggah ungguh tata krami,

Ngemot tepa palupi, 

Mbangun turut budi luhur, 

Agama lan budaya, 

Luru luruh laras liris, 

Tenggang rasa aneng bumi nusantara.

8.

Asmarandana

Fatkur Rohman Nur Awalin, 

Sinartan kinasih garwa, 

Kanthi donga enjang sore, 

Den amini kabeh putra, 

Pangastuti ibu bapak, 

Mbombong sedaya sedulur, 

Sembada kang sinedya. 

9.

Durma

Madhep mantep Nur Awalin ngarah arah, 

Jumangkah lumaris, 

Nutuge sekolah, 

Pangangkah antuk berkah, 

Ngati ati gemi nastiti, 

Sabar darana, 

Tata titi permati, 

10.

Megatruh

Sigra milir Mas Awalin nggayuh kawruh, 

Akademik paling tinggi, 

Perguruan Tulungagung, 

Ali Rahmatullah Sayyid, 

UIN kang arum kesohor. 

11.

Maskumambang

Allah Ta'ala mberkahi Mas Awalin, 

Ngudi ilmu wusnya tamat, 

Gancar lancar pangkat karir, 

Manggih rahayu widada