UPACARA WILUJENGAN ABDI DALEM MERAPI KARATON SURAKARTA

 UPACARA WILUJENGAN ABDI DALEM MERAPI KARATON SURAKARTA 

dening Dr Purwadi M.Hum. 

Ketua Lembaga Olah Kajian Nusantara LOKANTARA Hp 087864404347 

A. Jenang Sungsum

Sum suman abdi dalem Karaton Surakarta Hadiningrat lumaku kanthi gancar lancar. Dumadi rikala dina Selasa, 28 Desember 2021. Mapan ing Desa Beteng Jatinom Klaten Jawa Tengah. 

Hawane adhem amargi cerak karo ereng erenge Gunung Merapi. Sisih kidul kang kinupengan alas lan kebun duren. Asri endah sesawangan kang kadulu. Memper yen ana swasana ayem tentrem lahir batin. 

Nawala Ulem dadi sarana warta tata cara. Pangarsa Paguyuban Kawula Karaton Surakarta Hadiningrat utawi Pakasa ngadani tata cara sum suman. Kanthi wilujengan murih sami basuki lestari. Serat ulem sumebar jangkep genep genah. 

Mengharap  kehadiran Pengurus  harian Pakasa cabang Klaten  dan  regu Panembrama besok pada

Hari     : Selasa 

Tanggal  : 28 Desember 2021

Waktu     : pukul 11 wib

Tempat   : Rumah  KRAT  Warsana Dipuro, Beteng Jatinom 

Keperluan: sumsuman penutupan HUT Pakasa ke 90. 

Atas kehadirannya kami ucapkan terima kasih. 

Ketua Pakasa Cabang Klaten 

KRRA. Probonagoro

Serat ulem wau dipun ambali malih. Kareben enget boten kalepyan.

Ngemutaken selasa tg 28 Desb.jam 11 wonten dalemipun KRAT WARSONODIPURO BETENG JATINOM RAPAT PAKASA CABANG KLATEN, DIPUN RAWUHI PAKASA PUNJER SAHA PENGABGDENG LDA KARATON SURAKARTA GKR WANDANSARI MPd nuwun.

Warga Pakasa pang Klaten wiwit jam 10 sampun tata tata. Dum damel miturut kabisan. Dhawah kaleresan langit biru, angin sumilir, wit witan ngrembuyung.

B. Kembul Bujana

Paraga ingkang kapatah baut ngiket basa. Ukura runtut, tembung patut.

Kawiwitan kirab tumpeng. Kairing kumandhanging kidung puji rahayu.

Dhandhanggula

Ana kidung rumeksa ing wengi,

Teguh hayu luputa ing lara,

Luputa ing bilahi kabeh,

Jim setan purun,

Paneluhan tan ana wani,

Miwah panggawe ala,

Gunane wong luput,

Geni atemahan tirta,

Maling adoh tan ana ngarah mring mami,

Guna duduk pan sirna.

Tumpeng kaarak lajeng kadongani. Ibu ibu ingkang ngayahi pakaryan estu netepi wajib. Donga kababar dening Kanjeng Raden Tumenggung Wiji Hastonagoro.

Dr KPH Wirobhumi SH medhar sesorah. Pangarsa Pakasa Punjer tansah mbombong warga. Sesaji jangkep sampun sumadya.

Kalajengaken sabda pangandika dening GKR Wandansari, Pangageng Sasana Wilapa Karaton Surakarta lan ketua Lembaga Dewan Adat. Cetha wela wela bilih tata krama, unggah ungguh, tata susila katindakaken bebrayan Jawi.

Wondene GKR Ayu Koes Indriyah ugi paring wejangan. Anggota DPD RI tahun 2009 - 2019 tansah gumregut gumregah gumreget.

Abdi dalem sami sigrak gumyak pinandhegan dening KMAT Suci Marheningsih. Kadherekaken Bu Suprih, Bu Kinah, Bu Puspa. Saben kala mangsa ndherek acara putri narpa wandawa.

Jenang sungsum enggal karahapi. Eca sekaca sinambi lelenggahan. Dhahar siang mawi piring terbang. Adhem ayem tentrem jenjem.

Watara jam 13 acara paripurna. Suka parisuka sinartan gendhing. Ing pangajab pikantuk ganjaran ingkang ageng.

Wilujengan ing pereng Gunung Merapi kanthi pangajab ayu hayu rahayu. Sagung dumadi bisa urip tumata prasaja. Bebrayan kebak kanugrahan. Tandha suka sukur. Tumuli kembul bujana andrawina.