Prof Dr Rukiyati M.Hum

 Prof Dr Rukiyati M.Hum

1.

Dhandhangula

Winisuda Bu Prof Rukiyati, 

Bagya mulya mangka Guru Besar, 

Kampus Ungu ing UNY, 

Wanci tahun nem likur, 

Tanggal rolas ing sasi Mei, 

Ngudhar mbabar wedharan, 

Kehing wulang wuruk,

Momong sagung mahasiswa, 

Sarwa becik sanak kadang dosen tendik, 

Peguron Karangmalang. 

2.

Pangkur

Mersudi bidang filsafat, 

Kontemplasi golong gilig refleksi, 

Prof Rukiyati manekung, 

Tata cara ilmiah, 

Sistematis integral karana laku, 

Metodologi ingarah, 

Pemikiran komprehensif. 

3.

Kinanthi

Plato tokoh ahli filsuf, 

Aristoteles pamikir, 

Socrates sang jalma limpat,

Mengkoni jagad sakalir, 

Madhangi alam pikiran, 

Mring Profesor Rukiyati. 

4.

Pucung

Siang dalu Prof Rukiyati andulu, 

Wejangan wewarah, 

Saking kakang mbakyu adhi,

Ibu bapak genep jangkep pepak jenak.

5.

Gambuh

Tanggap tangguh tumuwuh, 

Kulawarga nuting para sepuh, 

Filosofi Bu Profesor Rukiyati, 

Sareng garwa putra putu, 

Tekad gembleng condhong raos. 

6.

Maskumambang

Logika etika estetika yekti, 

Prof Rukiyati nggegulang, 

Jangka jinangkah patitis, 

Tumuli awoh kawulyan. 

7.

Asmarandana

Cipta rasa karsa nenggih, 

Sakjroning falsafah Jawa, 

Prof Rukiyati nggatekke, 

Prof Damardjati Supadjar, 

Nalika ngesthi kawignyan, 

Fak Filsafat Bulaksumur, 

Perguruan Gadjah Mada. 

8.

Megatruh

Ngangsu ngelmu linambaran temen temu, 

Sarjana ing strata siji, 

Lajeng magister rumuhun, 

Bu Profesor Rukiyati, 

Dugi nempuh program doktor. 

9.

Mijil

Dedalane warni sewu margi, 

Rukiyati Profesor, 

Gumregah gumregut tekad gedhe, 

Betah lara lapa tahan uji, 

Pepalang sumingkir,

Budi teguh hayu. 

10.

Durma

Jangkah langkah ngarah arah antuk berkah, 

Prof Rukiyati ngudi, 

Pamuji pandonga, 

Rekadaya pakaryan, 

Jumbuh tunggal pakarti lathi, 

Karya mirasa, 

Selaras guru murid. 

11.

Sinom

Karangmalang trus ngumandhang, 

Guru Besar Rukiyati, 

Ing pidato pengukuhan, 

Sineksenan dosen tendik, 

Rektor sinartan wakil, 

Dekan pangarsa direktur, 

Tumangkar gya ngrembaka, 

Mangambar sumerbak wangi, 

Bakti darma kemajuan nusa bangsa. 

Selasa Wage, 12 Mei 2026,

Purwadi