Babad Darmakan
Babad Darmakan
1.
Dhandhangula
Guru besar bidang filologi,
Prof Darmoko wusnya winusuda,
Sastra Jawa kuna kiye,
Mangka kajian kawruh,
Ing Fak ilmu Budaya UI,
Pakar mbabar kawentar,
Pra kadang nyengkuyung,
Mersudi olah kawignyan,
Dosen tendik urun apik nitik becik,
Sami suka pambagya.
2.
Gambuh
Sinau maca buku,
Prof Darmoko nut antebing kalbu,
Jawa Latin kidung macapat kakawin,
Sastra Jawa gya kadulu,
Nuli kasebut Profesor.
3.
Mijil
Amemetri sastra Jawa klasik,
Darmoko Profesor,
Sumber carita wayang rinonce,
Kataliti winaos permati,
Memulang pra cantrik,
Jroning lab musium.
4.
Pucung
Donga kabul leluhur pancen pinunjul,
Murih kasembadan,
Prof Darmoko trus mangesthi,
Kaleksanan gegayuhan pawiyatan.
5.
Pangkur
Prof Darmoko lumaksana,
Saking Sala dugi tanah Betawi,
Gumuruh sajuru juru,
Rumeksa basa sastra,
Adi luhung edi peni woh ngrembuyung,
Kapribaden nusantara,
Tumangkaring jatidiri.
6.
Kinanthi
Lokakarya simposium,
Dialog bawa diskusi,
Gumregah temu ilmiah,
Ndherek workshop konferensi,
Ngombyongi mbabar seminar,
Prof Darmoko nayogyani.
7.
Megatruh
Jejibahan saben hari mulang muruk,
Pembimbingan tesis skripsi,
Disertasi enggal rampung,
Prof Darmoko darma bakti,
Kebecikan bisa klakon.
8.
Sinom
Nggulawenthah sastra Jawa,
Pendekatan filologi,
Sung wewarah isi naskah,
Wedharan budi pekerti,
Kapujanggan linuwih,
Ripta unggul agul agul,
Oboring jagad raya,
Aras aris laris manis,
Prof Darmoko ngudi budaya ngrembaka.
9.
Asmarandana
Perguruan kampus UI,
Fakultas Ilmu Budaya,
Sarana tri darma gedhe,
Pendidikan mahasiswa,
Panaliten pengabdian,
Kagem masyarakat umum,
Prof Darmoko sukarena.
10.
Durma
Genep genah jangkep jangkah edi endah,
Prof Darmoko membimbing,
Marang mahasiswa,
Tekun tekan tenanan,
Disertasi tesis sekripsi,
Sigra kalampah,
Lulus tamat permati.
11.
Maskumambang
Sinengkalan tumapaking warsa gati,
Rasa sembah lila kembar,
Prof Darmoko anenampi,
Kanugrahan kawibawan.
Minggu Paing, 10 Mei 2026.
Purwadi
Komentar
Posting Komentar