warta bangun bangsa

 Sinuwun Tedhak Pengging 1. Dhandhanggula Tedhak Pengging Sinuwun peparing,  Sunan Paku Buwono Patbelas,  Sentana bage binage,  Kemruyuk wanci esuk,  Jumah Legi Agustus sasi,  Pitu katiti tanggal,  Tahune nem likur,  Tata cara keyong emas, Gita gati apem sumawur ing bumi,  Mimbuhi bagya mulya.  2. Mijil Sinuwun pangreksa tanah Jawi,  Prebawa sang katong,  Sagunging priyayi sepuh lare,  Among tani tuhu mitayani,  Subur nandur pari,  Jagung tela pohung. 3. Pucung Bagus alus Sinuwun busana besus,  Ageman kaprajan,  Edi peni merbawani,  Kathah titah sung pepuji ngalab berkah. 4. Gambuh Darma bakti Sinuwun,  Sami purun mahargya nenuwun, Jroning kapti antuk rahayu lestari,  Praba suminaring ratu,  Sumorot terang kewahyon. 5. Kinanthi Tatanan sarwa tinuntun,  Pewaris Kraton Mentawis, Kanjeng Sunan Surakarta,  Abdi dalem anekseni, Sumuyut marang brahmana,  Welas asih marang da...

 Wilujengan Grebeg Sekaten Tata cara grebeg sekaten kapurwakan kanthi wilujengan. Kraton Surakarta Hadiningrat ngadani rikala dinten Ahad Legi, 2 Agustus 2026. Kersa miyos Kanjeng Sinuwun Paku Buwono XIV. Mapan ing pagelaran Sasana Sumewa.  Pengageng Sasana Wilapa GKR Dra Koes Moertiyah M.Pd paring sabda pangandika. Sentana abdi dalem sami lenggah sinewaka.  Sigrak gumyak penak enak ketingal jenak. Ageman bethik Mataram katon edi peni.  Abdi dalem ulama enggal atur puji pangastuti. Tahlil takbir tahmid tasbeh mimbuhi suwasana luruh tuwajuh. Pendherek sami tadhah amin. Ing pangkah hajad dalem lumampah meneng anteng sugeng jeneng. Wilujeng tanpa pambeng.  Alun alun ler rebut dhucung ingkang nekseni purwakaning tata cara. Bakul bakul jejer jejer maneka warni. Dhaharan unjukan sumadya ing sadhengah papan. Suka parisuka mahargya muludan. Saking dhusun ngadhusun desa ngadesa gunung ngagunung kehing tiyang tanpa wilangan. Angkasa biru padhang sumilak. Angin midhit sumi...

 Babad Wahyono - Nihlah Ilhami Dhandhanggula 1. Rasa gendhis kinarya memanis,  Kagem tasyakuran pernikahan,  Sineksen mitra sedherek,  Kalakon ijab qobul,  Palakrami Nihlah Ilhami,  Wahyono bagya mulya,  Sami suka sukur,  Masjid Suciati Yogya,  Janji suci linambar kalam ilahi,  Ambangun bale wisma.  2. Wus katitik sinengkalan becik,  Sad paningal lila jejodhoan,  Mahargya ponang penganten,  Nihlah Ilhami hayu,  Bagus rupi Wahyono yekti,  Tegal gathuk Jepara,  Asal usulipun,  Pak Saefulloh Cholimah,  Bapak Sarwi Suwarni kang wus suwargi,  Rahmat dunya akhirat.  3. Gya pinanggih ciptaning penggalih,  Trus sakinah mawaddah warrahmah,  Rinten dalu enjang sore,  Kumraket guyub rukun,  Mbanyu mili banjir rejeki,  Ginanjar panjang yuswa,  Ber bandha ber bandhu,  Kawibawan kawidadan,  Waras wiris gancar lancar samukawis,  Sembada kang sinedya....

 Mahargya Nanik Parini Paripurna 1. Dhandhanggula Titi wanci Mbak Nanik Parini,  Paripurna suwita negara,  Genep jangkep gawa gawe,  Pakaryan mulang muruk,  Samukawis murid winasis,  Mungkasi pawiyatan,  Ing siji Agustus,  Nem likur warsa lumampah,  Jroning kapti manggih rahayu lestari,  Ginanjar panjang yuswa.  2. Kinanthi Kayungyun sampun pensiun,  Puji Mbak Nanik Parini,  Sanak kadang pawong mitra,  Rejekine mbanyu mili,  Bandha bandhu gancar lancar,  Jiwa raga waras wiris.  3. Pangkur Kawibawan kawidadan,  Edi peni Ibu Nanik Parini,  Tinemu hayu rahayu,  Amomong putra wayah,  Kayat kayun kasembadan uger purun,  Gemilang kabeh rinancang,  Bagya mulya bareng mukti.  4. Pucung Tlatah dhusun wus kaloka Majarembun,  Kebon tegal sawah,  Mbak Nanik Parini ngesti,  Boga wastra wisma sembada raharja.  5. Maskumambang Pangastuti konjuk Bu Nanik Parini,...

 Pangkur Dr Amrih Bekti Utami MA Gya dinadar gancar lancar,  Tim penguji Amrih Bekti Utami,  Biji mumbul donga kabul,  Titi tamat belajar,  Wusnya lulus pawiyatan bagus alus,  Kadang mitra sung pambagya, Brayat ageng dosen tendik.

 Dhandhanggula Wahyono - Nihlah Ilhami 1. Rasa gendhis kinarya memanis,  Kagem tasyakuran pernikahan,  Sineksen mitra sedherek,  Kalakon ijab qobul,  Palakrami Nihlah Ilhami,  Wahyono bagya mulya,  Sami suka sukur,  Masjid Suciati Yogya,  Janji suci linambar kalam ilahi,  Ambangun bale wisma.  2. Wus katitik sinengkalan becik,  Sad paningal lila jejodhoan,  Mahargya ponang penganten,  Nihlah Ilhami hayu,  Bagus rupi Wahyono yekti,  Tegal gathuk Jepara,  Asal usulipun,  Pak Saefulloh Cholimah,  Bapak Sarwi Suwarni kang wus suwargi,  Rahmat dunya akhirat.  3. Gya pinanggih ciptaning penggalih,  Trus sakinah mawaddah warrahmah,  Rinten dalu enjang sore,  Kumraket guyub rukun,  Mbanyu mili banjir rejeki,  Ginanjar panjang yuswa,  Ber bandha ber bandhu,  Kawibawan kawidadan,  Waras wiris gancar lancar samukawis,  Sembada kang sinedya.  4. ...